Ekspozitë retrospektive e Kostadin Tançev – Dinka në Hamamin e Daut Pashës

vull

Ekspozitë retrospektive e Kostadin Tançev – Dinka në Hamamin e Daut Pashës

 

Të nderuar,

 

Ju njoftojmë se më datë 24 prill 2019 (e mërkurë), me fillim në ora 20:30, në hapësirat e Hamamit të Daut Pashës do të hapet një ekspozitë retrospektive e Kostadin Tançev – Dinka. Ekspozitën do ta hapin d-r Drita Starova Qerimi, Drejtore e Galerisë Nacionale, m-r Robert Allagjozovski, Koordinator Kombëtar për Zhvilimin e Kulturës dhe Bashkëpunimit Ndërdikasterial pranë Qeverisë së Republikës së Maqedonisë së Veriut dhe Vlladimir Borojeviç, artist figurativ dhe disenjator.

Profesori Kostadin Tançev Dinka gjatë karrierës së tij shumëdekadëshe të frutshme dhe krijuese, ka lënë gjurmë të rëndësishme në zhvillimin e skenës artistike të Maqedonisë, si autor i artit figurativ, ashtu dhe si disenjator i artit figurativ. Në fushën e grafikës kontemporare, shumica e konsiderojnë si mjeshtër prijës inovator në programet mësimore të disenjit, skenograf i dalluar, krijues kulmor i pllakateve dhe disenjator i publikimeve.

Duke u nisur nga roli i rëndësishëm të cilin Kostadin Tançev Dinka ka luajtur në skenën bashkëkohore të artit figurativ të Maqedonisë dhe rëndësia e tij në kontekstin e afirmimit të tendencave të reja të artit figurativ në artin figurativ bashkëkohor të Maqedonisë, para së gjithash, në fushën e disenjit të artit figurativ dhe artit kontemporar, ekspozita retrospektive ka për qëllim të bëjë prerjen e krijimtarisë së tij të artit figurativ dhe kështu të aktualizojë dukuri dhe tendenca të caktuara me interpretime historike, problematike, tematike, stilistike, por edhe aktuale të artit figurativ bashkëkohor botëror dhe të Maqedonisë. Në ekspozitë do të prezantohen diku 90 vepra (grafika, pllakate, fotografi, logo) nga të gjitha fazat e krijimtarisë së autorit. Kustosë të ekspozitës janë Maja Nedellkoska Bërzanova, Maja Çankullovska Mihajlloska dhe Goranço Gjorgjievski.

Kostadin Tançev ka lindur në vitin 1940 në Vallandovë. Shkollën e artit kontemporar ka mbaruar në Shkup në vitin 1961. Që nga viti 1961 studion në Akademinë e Artit Kontemporar në Beograd, e pas përfundimit të shkallës së parë, me rekomandimin e Këshillit Universitar të Universitetit të Beogradit, gjatë viteve 1963-1964 kishte qëndruar për specializim në Londër. Gjatë studimeve të shkallës së dytë, kishte qenë në klasën e profesorëve: Miha Petrov, Bogdan Kërshiç dhe Millosh Çiriç. Si student i vitit të pestë kishte marrë pjesë në konkursin ndërkombëtar të komunikimit vizual, të organizuar nga Organizata Ndërkombëtare e Disenjerëve Grafikë IKOGRADA. Në mesin e shumë pjesëmarrësve nga shumë vende kishte hyrë në përzgjedhjen më të ngushtë, pra në mesin e dhjetë më të mirëve. Që si student kishte qenë anëtar i Shoqërisë së ULUPUs dhe IKOGRADA. Në përbërjen e punimit të diplomës, ai realizon filmin e parë të animuar të Akademisë së Artit Kontemporar në Beograd.

Gjatë viteve 1969-1970 ai punon në sektorin e propagandës ekonomike (marketingut) në NIP “Nova Makedonija”. Në periudhën e viteve 1973-1975 kishte qëndruar në Paris, ku kishte ekspozuar në disa galeri. Në vitin 1975 kishte ekspozuar në ekspozitën “50 pikturistët e rinj premtues” në Sallonin e Majit “Defans” në Paris. Pas kthimit nga Parisi, në vitin 1975, ai vazhdon të punojë si udhëheqës i Sektorit të Disenjit Grafik dhe Enterierit në Qendrën Kulturoro-Informative në Shkup. Gjatë viteve 1978-1981, ai kishte marrë pjesë aktive në hulumtimet shkencore dhe realizimin e formave të reja të komunikimit kulturor dhe krijimtarisë, që ishin zbatuar në kuadrin e Laboratorit Estetik të Fakultetit Filozofik pranë Unversitetit “Shën Kirili dhe Metodi”.

Nga viti 1985 ishte zgjedhur si arsimtar i Fakultetit të Arteve Figurative në Shkup, në katedrën grafike për lëndët e vizatimit dhe grafikës me teknika grafike. Në të njëjtën kohë, ai ishte angazhuar në mësimdhënien e pjesës së orientuar të studimeve, në drejtimin e disenjit grafik dhe me mentorimin e tij, me sukses po zhvillohet procesi arsimoro-edukativ për pajisjen e librit dhe ilustrimit, fotografisë, komunikimeve vizuale, pllakateve dhe standardeve grafike. Me studentët e vitit të tretë dhe të katërt, në drejtimin e disenjit grafik, ai kishte marrë pjesë në konkurse të shumta republikane për komunikime vizuale, në të cilat janë marrë çmime të shumta. Ai merr pjesë në realizimin e veprimtarisë botuese të Fakultetit, sidomos në botimin e Hartës Grafike të profesorëve të FAF në vitin 1987, publikimin me rastin e jubileut dhjetëvjeçar të FAF, të hartës studentore të vitit 1986 dhe katalogjeve dhe zgjidhjeve konceptuale të shumta, për nevojat e Fakultetit.

Galeria Nacionale

Next Post

Qeveria e Republikës së Maqedonisë së Veriut do të mbajë mbledhjen e 131-të të rregullt

Qeveria e Republikës së Maqedonisë së Veriut sot do të mbajë mbledhjen e saj të rregullt të 131 me disa pika të rendit të ditës nga programi i punës dhe në interes të qytetarëve.   Në këtë mbledhje Qeveria e Republikës së Maqedonisë së Veriut do të shqyrtojë Informacionin për […]

Subscribe US Now

%d bloggers like this: