Koncert “Sfida e barabartë” për personat me aftësi të kufizuara

vull

Ministri i Kulturës, Hysni Ismaili, në Muzeun e Luftës së Maqedonisë mbajti fjalim në ceremoninë e organizuar me rastin e 3 Dhjetorit, Ditës Ndërkombëtare të Personave me Aftësi të Kufizuara.

Para hapjes së evenimentit solemn, ministri Ismaili i përshëndeti të pranishmit duke u dërguar urime me rastin e Ditës Ndërkombëtare të Personave me Aftësi të Kufizuara.

“Evenimenti i sotëm është një përkujtues i vogël, por shumë i rëndësishëm për rëndësinë e një kategorie njerëzish përreth nesh. Njerëz të cilët janë shumë të talentuar në fusha të ndryshme, individë të cilët me larminë e tyre e presin mundësinë e vet për të qenë pjesë e barabartë e shoqërisë sonë dhe të gjitha sferave të saj”, tha ministri i Kulturës. Ai shtoi se kujdesi për nevojat kulturore të këtyre njerëzve është njëri nga prioritetet e Ministrisë së Kulturës, me çka Ministria dhe institucionet në fushën e kulturës janë të hapura për bashkëpunim dhe iniciativa me qëllim ta avancojnë jetën kulturore të personave me aftësi të kufizuara.

Organizatorëtë koncertit “Sfida e barabartë”, me mbështetjen e Ministrisë së Kulturës, ishin organizata joqeveritare “Hendikep Plus” dhe produksioni “Aleksander ARP”.

Në evenimentin ishte promovuar edhe kënga me videoklip në interpretimin e Aleksandar Ristevski – Princ, kushtuar personave me aftësi të kufizuara, ndërsa u ndanë edhe mirënjohje, duke e përfshirë edhe Ministrinë e Kulturës dhe ministrin Hysni Ismaili.

Next Post

Tërmeti i solli në Kosovë, lindin fëmijë dy nënat nga Durrësi (VIDEO)

Në Spitalin e Prizrenit, dy gra nga Durrësi sollën në jetë dy fëmijë. Nuk e kishte menduar se fëmijën e saj të shtatë do ta lindte në qytetin e Prizrenit. Por, tërmeti i 26 nëntorit e detyroi Manushaqe Hodën nga Durrësi, të nisej drejt Kosovës. Edhe pse në ditët e […]

Subscribe US Now

%d bloggers like this: