Kryeministri Zaev në takim me Drejtorin Ekzekutiv të TAV Sener

vull

Kryetari i  Qeverisë së Republikës së Maqedonisë, Zoran Zaev, i shoqëruar nga Ministri i Transportit dhe Lidhjeve, Goran Sugareski sot u takuan me Drejtorin Ekzekutiv të TAV, Sani Sener dhe me Drejtorin e Përgjithshëm të  TAV Maqedonia,  Alp Er Tunga Ersoy.

Në takim është konfirmuar bashkëpunimi i shkëlqyeshëm me TAV i cili në të ardhmen do të avancohet dhe thellohet. Kryeministri Zaev theksoi rëndësinë e miqësisë tradicionale dhe bashkëpunimit të shkëlqyer dypalësh të vendit tonë me Republikën e Turqisë në ndërtimin  e relacioneve të forta ekonomike në mes dy vendeve.

Drejtori Ekzekutiv dhe përfaqësuesit e TAV e përshëndetën anëtarësimin e vendit tonë në NATO e cila së shpejti do të quhet Republika e Maqedonisë Veriore dhe fillimin e negociatave të Bashkimit Evropian si procese të rëndësishme për një klimë biznesi të qëndrueshme dhe përparim ekonomik të vendit.

Në takim u bisedua edhe për përshpejtimin e procesit të realizimit të investimeve të reja prej 10 milionë euro, që TAV do ti bëjë për modernizimin e aeroporteve maqedonase dhe për investim prej 35 milion euro në projekte infrastrukturore, rrugë lokale, çerdhe, ujësjellës dhe kanalizim në lartësi,  e cila është si një obligim i TAV nga marrëveshja për koncesion. Ka marrëveshje në mes dy palëve se në një  afat më të shkurtër kohorë, duhet të fillojë zbatimi i këtyre projekteve.

Next Post

Ministria e Kulturës me faqen e internetit të ridizajnuar

Informatat më të reja lidhur me punën e Ministrisë së Kulturës të Republikës së Maqedonisë do të mund t’i gjeni në faqen e internetit të ridizajnuar të Ministrisë www.kultura.gov.mk . Përveç dizajnit të ri, në faqen e internetit janë vendosur edhe informatat që kanë të bëjnë me: kuadrin udhëheqës dhe […]

Subscribe US Now

%d bloggers like this: