Përkujtohet dëshmori i kombit, Beqir Limani në 21 vjetorin e rënies

Blerand Rexhepi

Në organizim të shoqërisë Lëvizja, sot në varrezat e fshatit Kollarë të Kërçovës, u përkujtua jeta dhe veprimtaria e devotshme atdhetare e martirit të kombit, Beqir Limani në 21 vjetorin e rënies së tij, ku morën pjesë familje të dëshmorëve dhe invalidëve të luftës dhe bashkëveprimtarë nga të gjitha viset shqiptare.

Me moton “Drejt amanetit të bacës Beqë” sot në varrezat e fshatit Kollarë të Kërçovës, u mbajtë manifestimi përkujtimor kushtuar simbolit të rezistencës shqiptare të këtyre anëve Beqir Limani, në 21 vjetorin e rënies së tij.

Në shenjë nderimi për gjakun e derdhur në alltarin e lirisë, pjestarë të familjeve të dëshmorëve dhe invalidëve të luftës, bashkëveprimtarë dhe bashkëluftëtarë nga të gjitha trojet shqiptare, vendosën lule të freskëta pranë pllakës përkujtimore të vëllezërve Gërvalla dhe Kadri Zeka, tek varri i veprimtarit Ruzhdi Veliu – Jehoni si dhe te vendprehja e dëshmorit të kombit, Beqir Limani.

Në këto përvjetorë të dëshmorëve të kombit, që kanë rënë në fushën e nderit ne duhet të bëjmë një përkushtim më të fortë mbi shembulltyrën e tyre në shoqëri, tha lideri i BDI-së Ali Ahmeti.

Për jetën dhe veprimtarinë e bujshme atdhetare të dëshmorit Beqir Limani folën edhe bashkëveprimtarë dhe bashkëluftëtar që kishin ardhur nga të gjitha vset shqiptare dhe diaspora.

Next Post

Janë sanksionuar 33 shoferë të cilët kanë vozitur nën ndikimin e alkoolit, kurse 28 për vozitje më të shpejtë se e lejuara

Në periudhën nga ora 23:00 më datën 21.09.2019 deri më ora 05:00 të datës 22.09.2019 Njësia për Siguri në Komunikacionin Rrugor pranë SPB Shkup realizoi kontrollim aksional për sanksionimin e shoferëve të cilët drejtojnë automjetet e tyre nën ndikimin e alkoolit. Gjatë kësaj, tek 33 shoferë është vërtetuar prezenca e […]

Subscribe US Now

%d bloggers like this: