Kohanews

Ke Çfarë Lexon!

Sot, ministri i Kulturës, Hysni Ismaili, ishte në vizitë pune në Muzeun e Maqedonisë së Veriut

1 min read
Loading...

Në takim me drejtorin e Muzeut, Gordan Nikollov, ministri Ismaili u njoftua me aktivitetet aktuale të këtij institucioni kombëtar, si dhe me projektet që janë duke u punuar dhe të cilat do të pasojnë në të ardhmen e afërt.

Drejtori Nikollov e informoi ministrin për gjendjen e ndërtesës së IN Muzeu i Republikës së Maqedonisë së Veriut, si dhe për mënyrën se si po bëhen përgatitjet për ngjarjet madhore që do të pasojnë, siç janë: Ditët Evropiane të Trashëgimisë Kulturore, Ekspozita për 75 vjet KAÇKM, Ekspozita “Afrika në Maqedoni”.

Ministri Ismaili u njoftua edhe me aktivitetet e tjera konservatore, shkencore dhe kërkimore që kanë të bëjnë me mbrojtjen e trashëgimisë kulturore në etnologji dhe në historinë e Republikës së Maqedonisë së Veriut, ku ekspertët e Muzeut punojnë në planin afatgjatë dhe në disa faza.