Ministri i Brendshëm i Kosovës, Xhelal Sveçla ka bërë të ditur se në kuadër të hetimeve për sulmin e 24 shtatorit në Banjska afër Zveçanit, dokumentet personale dhe vetura e personit Milorad Jevtic, për të cilin pretendon se njihet si një nga bashkëpunëtorët më të afërt të Danilos. Vuçiq, djali i presidentit serb, Aleksandar Vuçiq, njoftoi korrespondenti i MIA-s nga Prishtina.
Në faqen e tij në Facebook, Xhelal Sveçla ka postuar fotografi të letërnjoftimit kosovar të Jevtic dhe patentë shoferi serb, si dhe një automjet të sekuestruar me targa të Beogradit, për të cilin thotë se është pronë e tij.
– Në vendin ku ka ndodhur sulmi, njësitet policore kanë gjetur dokumentet personale dhe veturën e Milorad Jevtic, që dëshmon se ai ka qenë në njësinë që ka sulmuar policinë e Kosovës. Terroristi Milorad Jevtic njihet si një nga bashkëpunëtorët më të ngushtë të Danilo Vuçiqit, djalit të presidentit serb Aleksandar Vuçiq, ka shkruar ai.
Sipas ministrit të Punëve të Brendshme të Kosovës, nga pesë vizitat e fundit të djalit të Vuçiqit në Kosovë, ai dhe Jevtic katër herë kanë qenë bashkë në të njëjtën veturë, për çka ka publikuar një fragment nga të dhënat e policisë së Kosovës nga pikat kufitare.
– Gjithashtu, Milorad Jevtic është identifikuar si një nga sulmuesit e ushtarëve të KFOR-it më 29 maj në Zveçan. Mbetet që organet e sigurisë dhe hetimet të zbulojnë nëse përveç Vuçiqit dhe strukturave të larta shtetërore serbe, në planifikimin dhe organizimin e sulmit terrorist në Banjskë dhe Zveçan ka qenë i përfshirë edhe djali i tij, ka shkruar Xhelal Sveçla.