Ministrja austriake Caroline Edstadtler i bëri thirrje Bashkimit Evropian (BE) të ndërmarrë hapa drejt Ballkanit Perëndimor përpara publikimit të raporteve mbi progresin e vendeve të planifikuar për nesër në Bruksel.
Edstadler në rrjetin social X shkruan se Unioni duhet të ndërmarrë pesë hapa, duke përfshirë mbajtjen e konferencave ndërqeveritare me Maqedoninë dhe Shqipërinë në fillim të vitit të ardhshëm. Po ashtu thuhet se deri në fund të vitit duhet të hapen negociatat me Bosnje dhe Hercegovinën, duhet të bëhet progres konkret me Malin e Zi para zgjedhjeve evropiane dhe progres në negociatat me Serbinë dhe shqyrtimin e kërkesës për anëtarësim të Kosovës deri në zgjedhjet evropiane.
Është e domosdoshme për BE-në, nëse dëshiron të marrë rolin udhëheqës, që të gjithë anëtarët e Unionit ta njohin Kosovën. Edstadler gjithashtu dëshiron që Bashkimi të japë data specifike për secilin nga gjashtë vendet kur do të krijohet Komisioni i ri Evropian.
Ajo kërkon gjithashtu që zgjerimi i Ballkanit Perëndimor të mos vonohet dhe asnjë nga këto hapa nuk do t’i kursejë vendet nga përmbushja e kritereve para anëtarësimit të mundshëm në Union.
“Në këtë fazë, BE-ja duhet të ndërmarrë një hap dhe të sigurojë prova se ne jemi seriozë për të ardhmen evropiane të rajonit”, shkruan Edstadler në rrjetin social X.