Një predikues dhe politikan nga Alabama vrau veten pasi u zbulua se ai kishte imituar një vajzë transgjinore në rrjetet sociale për vite me radhë.
Fred “Granny” Copeland, kryebashkiak i qytetit të vogël Smiths dhe pastor i Kishës së Parë Baptiste në Phenix City aty pranë, qëlloi veten për vdekje të premten rreth orës 17:00 përpara policisë që po e ndiqte.
– Ai doli nga automjeti, nxori një armë dhe më pas i mori jetën – tha zyra e sherifit.
Vetëvrasja e Copeland erdhi pasi gazetarët zbuluan jetën e tij të fshehtë në rrjetet sociale, ku ai pozoi si një grua transgjinore me pseudonimin Brittany Blair Summerlin. Në rrjete, ajo e përshkroi veten si një vajzë transgjinore e cila është në proces të ndryshimit të gjinisë dhe i pëlqen buzëqeshjet, rrobat dhe këpucët.
Një nga profilet e tij të rreme në mediat sociale përmban foto të tij të veshur me një shumëllojshmëri veshjesh grash – duke përfshirë fotot e bëra në dhomën e gjumit me të brendshme femrash. Mediat vendase raportojnë se në disa foto ai ka veshur disa nga rrobat e gruas së tij.
Copeland e quajti veten një “grua trans shëndoshë” dhe inkurajoi gratë e tjera trans që të merrnin terapi hormonale. Copeland tha se alter egoja e tij në internet është një hobi i padëmshëm që nuk shkon përtej shtëpisë së tij.