Në Shqipëri u shitën 10 tonë mandarina me pesticide të kthyer nga Kroacia, sot u arrestuan tre persona
Mandarinat që autoritetet kroate i në periudhën nga 29 nëntor deri më 11 dhjetor 2024, pasi analizat treguan se përmbajnë pesticide të rrezikshme për shëndetin e njerëzve, nuk u shkatërruan, por u shitën në tregun lokal.
– Lidhur me këtë çështje, Prokuroria e Beratit kishte nisur një hetim prej disa kohësh, i cili përfundoi sot me arrestimin e tre personave. Sipas prokurorisë, janë arrestuar një fermer nga kjo zonë, administratori i një qendre grumbullimi që kishte blerë ngarkesën dhe një inspektor i autoritetit rajonal veterinar, raportojnë mediat.
Të arrestuarit akuzohen për veprat penale “Shkelja e rregullave për substanca helmuese”, “Prodhimi dhe shitja e ushqimeve dhe substancave të tjera të rrezikshme për shëndetin dhe jetën e njerëzve”, “Mashtrim me produkte ushqimore” dhe “Shpërdorim detyre”.
Siç kishin raportuar më parë mediat, mandarina ishin kthyer edhe nga Çekia, Italia dhe Lituania.
– Mandarinat përmbanin mbetje të disa substancave të rrezikshme për shëndetin e njerëzve dhe janë të ndaluara për shitje në BE. Konkretisht, bëhet fjalë për praninë e lartë të pesticideve klorpirifos dhe fosmet, të cilat kanë efekte anësore në zhvillimin e trurit te fëmijët, shkaktojnë çrregullime të sistemit nervor dhe endokrin, si dhe rrisin rrezikun e sëmundjeve të zemrës dhe kancerit, shtojnë mediat.
Analizat kanë konfirmuar se mbetjet e pesticideve në mandarina ishin nga tre deri në 12 herë më të larta se norma e lejuar nga rregulloret evropiane, të cilat u ndryshuan në shtator 2023.
Mandarina, ullinj dhe produkte të tjera bujqësore të prodhuara në Shqipëri shpesh përfundojnë në tregjet e vendeve fqinje, veçanërisht në zonat kufitare të Kosovës dhe Maqedonisë së Veriut.
