Arben Fetai dhe Azir Aliu vizitojnë Ambasadën e SHBA-së në Shkup, takohen me Nicole Varnes
Zëvendëskryeministri Arben Fetai, i shoqëruar nga ministri i Shoqërisë Informatike dhe Administratës, Azir Aliu, është pritur sot në Ambasadën e Shteteve të Bashkuara të Amerikës në Shkup nga zëvendës-shefja e misionit diplomatik, Nicole Varnes.
Përmes një postimi në rrjetet sociale, Fetai bëri të ditur se takimi ishte i përzemërt dhe zhvilluar në kuadër të bashkëpunimit të ngushtë ndërmjet dy vendeve.
“Kafen e mëngjesit e pimë në konakun më të rëndësishëm për shqiptarët në vendin tonë – Ambasadën e SHBA-së – ku na mirëpriti zëvendës-shefja e misionit, Nicole Varnes. Me miken tonë, biseduam për partneritetin tonë të vazhduar në luftën kundër korrupsionit, promovimin e shtetit të së drejtës dhe mbështetjen në rrugëtimin tonë drejt Bashkimit Evropian”, shkroi Fetai.
