Eksodi i të rinjve drejt Perëndimit nuk ndalet. Sidomos fuqia punëtore dhe stafi i kualifikuar. Tashmë që tregu vendas i punës ka nevojë për mijëra njerëz të kualifikuar me zanate dhe profesione, thirrjet e disa autoriteteve duket se nuk përfillen nga shumë të rinj, pasi tashmë ndodhen jashtë vendit. “BE është në mesin tonë”, tha sot ministri i Financave Fatmir Besimi, duke folur për përpjekjet e shtetit për të krijuar kushte për punë dhe jetë. Sipas tij, perspektiva më e mirë dhe mesazhi i duhur nga politikanët dhe qeveria që mund të japin është t’u tregojnë të rinjve se u ofrohet një e ardhme e sigurt.
Megjithatë, shumica e të rinjve i dëgjojnë këto deklarata nga jashtë. Shumë prej tyre tashmë janë larguar në perëndim, jo vetëm për një rrogë më të mirë. Zëvendëskryeministri për Çështjet Ekonomike u bëri thirrje të gjithë atyre që janë larguar të kthehen në vendlindje, të sjellin përvojën e tyre të punës dhe të investojnë në të ardhmen e vendit.
Ose të rikualifikohen të papunët vendas ose të punësohen punëtorë nga jashtë që të mos përkeqësohet situata me mungesën e fuqisë punëtore, thotë Bytyqi. Sipas të dhënave të Agjencisë së Punësimit, 57 për qind e të papunëve të regjistruar si punëkërkues aktivë nuk kanë arsim ose vetëm arsim fillor. Mbi 17% kanë arsim jo të plotë ose vetëm të mesëm, dhe kjo është gjithsej 75% e punëkërkuesve aktivë./Alsat.mk
