Kreu i krahut më të madh të demokratëve të opozitës shqiptare, Sali Berisha, ka paralajmëruar protesta dhe reagim jashtëinstitucional të opozitës në takimin e rregullt javor me gazetarët.
Ai paralajmëroi se “ajo që ndodhi në Kuvend me bojkotin dhe bllokimin e punimeve të seancës plenare, është vetëm fillimi i valës së protestave të opozitës”.
– Do të qëndrojmë në parlament me protestën tonë më të fortë. Dhe kjo protestë, ju garantoj, nuk do të mbetet vetëm në sallën e kuvendit. Dora për dore ajo gradualisht do të përhapet në rrugë, sheshe dhe institucione të tjera në vend, tha Berisha.
Ai nuk përjashton një grevë urie si një formë proteste.
– Absolutisht po, nuk përjashtojmë një grevë urie. Plotësisht. Ekziston një vullnet i vërtetë dhe është një opsion. Nuk ka diskutim, kjo është një betejë, tha Berisha.
Të enjten nga 59 gjithsej të numëruar nga opozita, 45 deputetë që janë në krah të Berishës kanë bllokuar foltoren e Kuvendit, për çka kryetarja e Kuvendit Lindita Nikola është detyruar të shtyjë seancën plenare. .