Qeveria nuk di më ku të gjejë para për të mbushur buxhetin. Pra, për shkak të çmimeve më të larta të kredive nga jashtë, tani po i drejtohet tregut të brendshëm. Në vend të 350 të planifikuar, tani do të marrë hua për 502 milionë euro. Ndryshe, borxhi publik vazhdon të rritet dhe aktualisht tejkalon 8.3 miliardë euro ose gati 58% të PBB-së, që është një rekord historik që nga ekzistenca e shtetit. Në 5 vitet e fundit borxhi publik është rritur me 3 miliardë euro.
Vrima e buxhetit po rritet dhe qeveria po e mbush me borxhe të reja. Hapësira e ngushtuar përballë kreditorëve ndërkombëtarë e drejton atë drejt tregut të brendshëm. Deri në fund të vitit do të marrë 502 milionë euro hua në vend të 350 milionë eurove të planifikuara fillimisht. Edhe pse kjo nuk ishte e paraparë në buxhet, Qeveria pretendon se gjithçka ka qenë sipas planeve dhe parashikimeve.
- Janë duke planifikuar projeksione që janë vendosur në Buxhet që ofrojnë mundësi për realizim më të mirë të planeve që kanë të bëjnë me strategjinë fiskale, tha Besimi, duke kujtuar se tashmë është siguruar një paketë prej 600 milionë euro me programe nga institucionet financiare ndërkombëtare.