Dy oficerë të FSK-së diplomojnë me sukses të lartë në Kolegjin e Shtabit dhe Komandës të Ushtrisë së Shteteve të Bashkuara

vull
Me datë 02.07.2021 oficerët e FSK-së, Major Vegim Krelani dhe Major Jaser Mulla, diplomuan në Kolegjin e Shtabit dhe Komandës së Ushtrisë së SHBA-ve. Edhe pse ky vit ishte sfidues ku shumica e shkollimit u karakterizua nga mësimi virtual dhe mësimi në distancë, diplomimi me sukses i tyre nënkupton njohuri dhe profesionalizëm shtesë për të ardhmen e FSK-së.
Nënkolonel Christopher Mackin, Shef i Edukimit në Detaçmentin e 7-të të Kolegjit të vendosur në Evropë shpreh që,“pjesëmarrja e Kosovës në degën evropiane të Kolegjit të Shtabit dhe Komandës së SHBA-ve bazuar në Grafenwoeher, Gjermani është historike. Oficerët e saj ishin pjesë e grupit të parë ndërkombëtar prej katër studentëve të huaj që morën pjesë në këtë shkollim në Evropë. Ushtria Amerikane për Evropë dhe Afrikë mirëpret pjesëmarrjen e ardhshme të kosovarëve në këtë shkollë. Ata mund të falënderojnë Majorin Mulla dhe Majorin Krelani pasi kanë caktuar një standard të lartë të përsosmërisë akademike dhe të pjesëmarrjes së fuqishme aktive në klasë”.
Kolegji i Shtabit dhe Komandës i Ushtrisë së SHBA-ve është kolegj ushtarak post-diplomik një-vjeçar dhe shkollon oficerë ushtarakë amerikanë dhe të huaj. Ky shkollim në aspektin e edukimit profesional ushtarak konsiderohet si i domosdoshëm për ofiercerët e nivelit të mesëm për zhvillim të mëtutjeshëm në karrierë. Fokusi i shkollimit është në udhëheqje, histori ushtarake, planifikim ushtarak, procese të vendim-marrjes ndërsa rëndësi e veçantë i jepet mendimit kritik.
Next Post

Deputetja Bekteshi - Shaqiri: Mendoj se do të arrijmë qëllimin të bëhemi pjesë e BE-së

Qytetarët e Maqedonisë së Veriut kanë përfituar nga Marrëveshja e Prespës po aq sa edhe nga Marrëveshja Paqësore e Ohrit. Kjo marrëveshje do të mbetet një moment që krijon më shumë siguri dhe stabilitet jo vetëm për vendin tonë por edhe tërë rajonin dhe vetë Europën. Ne do të angazhohemi […]

Subscribe US Now

%d bloggers like this: