Me iniciativë të Maqedonisë së Veriut në Samitin në Poznan do të miratohet Deklarata e vendeve të Ballkanit Perëndimor për integrimin e romëve në procesin e zgjerimit të BE-së

vull

Një nga dokumentet që do të miratohet në Samitin Vjetor të Ballkanit Perëndimor që sot dhe nesër mbahet në Poznan, Republikën e Polonisë, do të jetë edhe Deklarata e vendeve të Ballkanit Perëndimor për integrimin e romëve në kuadër të procesit të zgjerimit të BE-së.

 

Deklarata e cila u propozua nga Kryetari i Qeverisë së Republikës së Maqedonisë së Veriut, Zoran Zaev në Samitin e BE-së – Ballkani Perëndimor në Sofje më 17 maj 2018, inicionte përkushtim rajonal për integrimin e romëve si pjesë e procesit të zgjerimit të BE-së dhe do të nënshkruhet nga Forumi i Liderëve të Vendeve të Ballkanit Perëndimor, të premten më 5 korrik.

 

Iniciativa për këtë deklaratë, me mbështetje të fuqishme të Komisionit Evropian dhe Këshillit për bashkëpunim rajonal, përcakton qëllime ambicioze por edhe reale për integrimin e Romëve, që vendet nga rajoni duhet ti arrijnë para aderimit në BE.

 

Deklarata i përfshin edhe parimet themelore të domosdoshme për arritjen  e qëllimeve të parashtruara, duke përfshirë koordinimin e brendshëm, shpërndarjen e buxhetit, ndjekjen dhe njoftimin, pjesëmarrjen e romëve, si dhe i vendos parimet themelore për arritjen e qëllimit strategjik të Strategjisë Nacionale të Romëve 2014-2020:

Ulja e hendekut ndërmjet komunitetit rom dhe jo-rom, përforcimi i procesit të monitorimit për realizimin e politikave publike dhe aktiviteteve të qeverive në rajon, do të kontribuojë drejt përmirësimit të pozitës së romëve.

 

Ministri pa portofol i ngarkuar për implementimin e Strategjisë së romëve në Qeverinë e RMV-së Muzafer Bajram është edhe pikë kontakti nacional për romët për koordinimin e planeve të veprimit për realizimin e përcaktimeve të Deklaratës së Vendeve të Ballkanit Perëndimor për integrimin e romëve në kuadër të procesit të zgjerimit të BE-së, që do të miratohet në Samitin në Poznan.

Next Post

Ibrahim Kasami e ka gati albumin “Fustani me ngjyra” që vjen me shumë hite

Këngëtari i famshëm Ibrahim Kasami po rikthehet këtë verë me albumin muzikor me titull “Fustani me ngjyra”, një projekt që do ti jep edhe më shumë gjallëri stinës së nxehtë. Kasami, njihet për zërin, atmosferen impozante që krijon në dasma dhe për një mori projektesh shumë të pëlqyera nga publiku. […]

Subscribe US Now

%d bloggers like this: