Presidenti Meta nderohet me Titullin “Doctor Honoris Causa” nga Akademia e Administratës Publike të Azerbajxhanit

vull

Në emër të Akademisë dhe në prani të profesorëve e studentëve të saj, Presidentit Meta iu dorëzua titulli nga Rektori, Dr. Urkhan Kazim oglu Alekperov.

Në fjalën e tij, Rektori Alekperov vlerësoi rolin e veçantë të Presidentit Meta në forcimin e marrëdhënieve midis Shqipërisë dhe Azerbajxhanit.

Ndërsa Presidenti Meta e konsideroi titullin si shenjë mirënjohjeje dhe vlerësimi ndaj Shqipërisë dhe shqiptarëve, si dhe një reflektim të marrëdhënieve të shkëlqyera midis dy vendeve.

Presidenti Meta vlerësoi në mënyrë të veçantë se në dekadën e fundit marrëdhëniet midis dy vendeve janë intensifikuar shumë dhe realizimi i projektit TAP i ka dhënë mundësi e dimensione të reja këtij bashkëpunimi.

Presidenti Meta nënvizoi gjithashtu se përtej marrëdhënieve ekonomike, një vëmendje më e madhe u duhet kushtuar shkëmbimeve kulturore dhe eksperiencave akademike midis dy vendeve.

“Nxitja e bashkëpunimit dypalësh në fushën e arsimit dhe të kulturës dhe kontakteve të drejtpërdrejta mes studentëve, akademikëve e qytetarëve të të dy vendeve është investimi më i madh e afatgjatë”, – theksoi Presidenti Meta.

Next Post

Kelmendi: ZOTI i shkatërroftë terroristët dhe zullumqarët

Kryetari i FJALËS reagon lidhur me sulmin terrorist që ka ndodhur në Zelandën e Re. Sulmi terrorist që ndodhi sot në Xhami ditën e Xhuma në Zelandë të re, dëshmon atë që e kam thënë edhe më herët se terrorizmi nuk njeh fe, racë, komb dhe gjuhë. Terroristi australian Brenton […]

Subscribe US Now

%d bloggers like this: