Rënia e çmimit të naftës ka nxitur Wall Street

vull

Në Wall Street të martën, çmimet e aksioneve u rritën ndjeshëm, duke thyer zinxhirin negativ shumëditor pasi investitorët u inkurajuan nga rënia e çmimit të naftës nën 100 dollarë për fuçi, duke reduktuar frikën për rritje të mëtejshme të inflacionit.

Mesatarja industriale Dow Jones u rrit me 599 pikë, ose 1,82 për qind, në 33,544 pikë, S&P 500 u rrit 2,14 për qind në 4,262 pikë dhe Nasdaq u rrit 2,92 për qind në 12,948 pikë.

Investitorët u inkurajuan nga rënia e çmimit të naftës nën 100 dollarë për fuçi, për herë të parë që nga pushtimi rus i Ukrainës në fund të shkurtit. Një javë më parë, çmimi për fuçi arriti në 139 dollarë, niveli më i lartë që nga viti 2008.

Në tregun e Londrës çmimi i fuçisë ka rënë dje me 6.5 për qind, në 99.90 dollarë, ndërsa në tregun amerikan fuçia ka rënë me 6.4 për qind në 96.44 dollarë.

Në bursat evropiane, çmimet e aksioneve ranë ditën e djeshme. Indeksi FTSE i Londrës ra me 0,25 për qind në 7,175 pikë, ndërsa DAX i Frankfurtit ra 0,09 për qind në 13,917 pikë dhe CAC i Parisit 0,23 për qind në 6,355 pikë.

Next Post

Rusët e kanë granatuar tashmë: Një qytet me të njëjtin emër si në Maqedoni dhe në Ukrainë (FOTO)

Lufta në Ukrainë vazhdon prej javësh, ndërsa bota bën thirrje për një armëpushim në baza ditore. Ndërsa lajmet për granatimet e dhjetëra qyteteve dhe rretheve në Ukrainë vazhdojnë të publikohen, presidenti Zelensky së fundmi njoftoi se qyteti me të njëjtin emër si qyteti ynë i Vinicës është granatuar. Presidenti i […]

Subscribe US Now