Christian Massinburg pajiset me pasaportë shqiptare, gati për Kombëtaren e basketbollit
Christian Massinburg pajiset me pasaportë shqiptare, gati për Kombëtaren e basketbollit
Basketbollisti amerikan Christian Jalon Massinburg ka marrë zyrtarisht pasaportën shqiptare dhe është gati të bashkohet me Kombëtaren e Shqipërisë. Presidenti Bajram Begaj ka dekretuar dhënien e shtetësisë për 27-vjeçarin, pas ndërhyrjes së Federatës Shqiptare të Basketbollit.
Massinburg është një lojtar me eksperiencë të madhe në arenën ndërkombëtare dhe aktualisht aktivizohet në kampionatin turk me skuadrën Bahcesehir. Natyralizimi i tij pritet të forcojë Kombëtaren shqiptare në arenën ndërkombëtare.
