Bota

Danimarka e shqetësuar për situatën e sigurisë në Detin Baltik

1 min read

4 months ago

Ministri danez i Mbrojtjes Morten Bodskov tha sot se ka arsye për t’u shqetësuar për situatën e sigurisë në rajonin e Detit Baltik, duke përmendur si shembullin e fundit sabotimin e dyshuar të dy tubacioneve të gazit Nord Stream.

“Rusia ka një prani të konsiderueshme ushtarake në rajonin e Detit Baltik dhe ne presim që ata të vazhdojnë të tundin armët e tyre”, tha Bodskov në një deklaratë pas një takimi me Sekretarin e Përgjithshëm të NATO-s Jens Stoltenberg në Bruksel.

Nord Stream AG, operatori i rrjetit të gazit, njoftoi dje se tre linjat bregdetare të sistemit të gazsjellësit Nord Stream pësuan dëme “të paprecedentë” në vetëm një ditë, njoftoi Tanjug.

Më herët sot, Ministrja e Jashtme suedeze Ann Linde konfirmoi se rrjedhjet e gazit nga gazsjellësit Nord Stream 1 dhe Nord Stream 2 janë shkaktuar nga shpërthime.

Ajo shtoi se “mbledhja e informacionit vazhdon” dhe se “asnjë shkak, aktor apo motiv nuk është përjashtuar”.

Përfaqësuesi i lartë i BE-së për politikën e jashtme dhe sigurinë, Josep Borrell, tha se BE dyshonte se dëmtimi i dy tubacioneve nënujore të gazit Nord Stream 1 dhe Nord Stream 2 ishte sabotim dhe paralajmëroi se do t’i përgjigjet çdo sulmi në rrjetet evropiane të energjisë.