Dua Lipa ka kritikuar ministrat britanikë për mënyrën se si flasin për shqiptarët, ndërsa komentet e tyre i ka cilësuar si “shkurtërpamëse dhe mendjevogël”. Këngëtarja tha se ishte lënduar nga mënyra se si qeveria britanike fliste për shqiptarët dhe bëri thirrje për “më shumë empati”.
“Sigurisht që dhemb. Gjithë ato që flasin për emigrantët? Gjithmonë kam menduar se Londra ishte një përzierje kulturash. Ato janë pjesë përbërëse e qytetit. Prandaj kur dëgjon qeverinë që flet për shqiptarët, të dhemb”, tha Dua Lipa për Sunday Times.