Botuesi dhe prodhuesi i videolojërave, Electronic Arts, njoftoi në Twitter se është në proces të heqjes së ekipeve kombëtare ruse dhe klubeve profesionale nga video lojërat e ardhshme sportive – NHL 22, FIFA 22, FIFA Online dhe FIFA Mobile.
Sipas kompanisë, vendimi është marrë në marrëveshje me partnerët e tyre në FIFA, UEFA dhe IIHF, pasi ata gjithashtu ndaluan përfundimisht skuadrat ruse të konkurrojnë. Përveç kësaj, IIHF ka zgjatur ndalimin e ekipeve bjelloruse në NHL 22.
EA thotë se ka filluar procesin e heqjes, por aktualisht është e pasigurt se kur lojtarët do ta vërejnë këtë ndryshim. Duhet të theksohet sigurisht se vendimi nuk do të prekë lojtarët individualë rusë dhe bjellorusë, të cilët do të vazhdojnë të shfaqen, për shembull, në ekipin Ultimate.
“EA Sports qëndron në solidaritet me popullin ukrainas dhe, si shumë të tjerë në mbarë botën e futbollit, bën thirrje për paqe dhe fundin e pushtimit të Ukrainës”, thuhet në deklaratë.
You must be logged in to post a comment.