Ministrja sllovene e Punëve të Jashtme, Tanja Fajon , paralajmëroi sot Malin e Zi se negociatat e anëtarësimit me BE-në mund të ndërpriten nëse përpjekja e gjashtë për të zgjedhur gjyqtarë në Gjykatën Kushtetuese dështon.
Pas takimit me kryetaren e Kuvendit të Malit të Zi, Danijela Gjuroviq , Fajon tha se kërcënimi është serioz.
“Ka mbetur që politikanët të shtrëngojnë duart dhe të bëjnë atë që kemi rënë dakord”, tha Fajon, i cili në fund të dhjetorit, së bashku me kreun e diplomacisë austriake, Alexander Schallenberg , u emërua i dërguari special i BE-së për Malin e Zi.
Ajo sot ka ardhur e paparalajmëruar në Podgoricë, ku po bëhen përgatitjet përfundimtare për zgjedhjen e gjyqtarëve të Gjykatës Kushtetuese, për të cilën deputetët do të votojnë në fund të janarit ose në fillim të shkurtit.
Më herët gjatë ditës së sotme, Fajon është takuar me presidentin e Malit të Zi, Milo Gjukanoviç dhe kryeministrin Dritan Abazovic dhe në fund të vizitës ka shprehur shpresën se do të ketë lajme pozitive para datës 23 janar, kur duhet të dorëzojë një raport në Bruksel. .