Kohanews

Ke Çfarë Lexon!

Barça dëshiron ta rikthejë Olmo në Katalonjë?

1 min read

Lojtari i ekipit kombëtar të futbollit spanjoll, Dani Olmo u largua nga Katalonia si i ri dhe u transferua në Zagreb, në Dinamo për të ndërtuar veten si lojtar.

Ai pati sukses në mision, kështu që pas disa sezonesh të shkëlqyera me “blutë” u transferua në Leipzig, me insistimin e strategut të ri të “demave”, Nagelsmann.

“Barcelona gjithmonë ndjek ish-lojtarët e tyre. Njerëzit nga klubi e ndoqën atë disa herë drejtpërdrejt. Dani u largua nga Barça për të ndërtuar veten si një futbollist dhe ai pati sukses në Kroaci dhe Gjermani. Ai kontribuon me golat, por edhe me ndikimin e tij në të gjithë lojën” – shkruajnë mediat spanjolle.

Gazetari Josep Capdevila shkruan në tekstin e tij se Olmo është një nga figurat kryesore  për momentin.

“Luis Enrique e thirri atë në ekipin kombëtar të ri, ai gjithmonë besonte në të dhe tani ai është bërë një anëtar standard i përzgjedhjes A. Kjo e ka ndihmuar Barcelonën të fillojë ta ndjekë atë përsëri si një përforcim i mundshëm,” shkroi Capdevila, i cili beson se me ardhjen e Laporta në krye të klubit, shanset që Olmo të kthehej janë rritur.