Kohanews

Ke Çfarë Lexon!

Sonte u formalizua Alternativa – Dega Zhelinë: Kryetar u zgjodh Ismen Kasami nga F. Llërcë

2 min read

Sonte, në prani të kryetarit të partisë, Afrim Gashi, deputetit të Alternativës nga zona 6, Hysni Ismaili, Sekretarit Organizativ, Mubekir Palloshi, Sekretarit për Marrëdhënie me Publikun, Zeqirija Ibrahimi, u bë formalizimi i degës Zhelinë të Alternativës, ku në mënyrë unanime nga kuvendarët për kryetar dege u zgjodh Ismen Kasami nga fshati Llërcë – Komuna e Zhelinës.
Në këtë tubim, fjalë rasti para të pranishmëve kishte kryetari i posazgjidhur i degës, Ismen Kasami, i cili mes tjerash tha:”Që nga themelimi në vitin 2014-të, ne kemi dëshmuar fuqishëm se jemi me idenë politike të rrugëtimit tonë. Kjo gjë më së miri do të dëshmohet edhe në zgjedhjet e ardhshme lokale të tetorit”, theksoi Kasami.


Deputeti i Alternativës nga zona e 6-të zgjedhore, Hysni Ismaili, para kuvendarëve dhe simpatizatëve të kësaj dege, në fjalimin e tij tha se: ”Falë punës sonë në skenën politike, qoftë në opozitë, por edhe në pushtet sa ishim shkurt, ne e kemi ngritur pragun e të qenit politikan. Jo se i kemi eliminuar krejt hajnat e hajdutët nga skena, porse tash ata e kanë mjaft vështirë të vjedhin ose të mos punojnë fare”, theksoi Ismaili.
I fundit para banorëve të Komunës së Zhelinës fjalë rasti kishte edhe kryetari i AlternAtivA-s, Afrim Gashi, i cili duke e uruar formalizimin e degës së Zhelinës tha: ”Ne jemi brumi dhe indi i idesë politike, që doli në skenën politike qysh në nëntor të 2014-tës. Sot Alternativa po dëshmon se është zë i fuqishëm edhe në Komunën e Zhelinës. Surpriza e zgjedhjeve lokale të tetorit do të jetë fitorja jonë në këtë komunë”, përfundoi Gashi.
Ndryshe, pas përfundimit të suksesshëm të reformave brendapartiake, Alternativa në zonën e 6-të zgjedhore po shihet të jetë opsioni real-fitues në këtë zonë zgjedhore në vjeshtë të këtij viti.