Dhimbjet e stomakut dhe problemet me zorrët mund të jenë të pakëndshme. Shpesh nuk ka një përgjigje të shpejtë dhe të qartë për atë që i shkakton ato. Një shkak i mundshëm është pankreasi.
Nëse mendoni se diçka nuk shkon, nuk duhet të dyshoni menjëherë për kancerin e pankreasit sepse ka shumë arsye të tjera që mund të sinjalizojnë probleme që kërkojnë një vizitë te mjeku. Më poshtë janë shenjat paralajmëruese se diçka nuk është në rregull me pankreasin tuaj.
Pamja e çuditshme e jashtëqitjes
Nëse vëreni se jashtëqitja juaj është me ngjyrë të lehtë dhe noton në ujë në guaskë, kjo është një shenjë e përthithjes së dobët të lëndëve ushqyese, që mund të nënkuptojë se pankreasi juaj nuk po e bën punën e tij.
Enzimat e prodhuara nga pankreasi ndihmojnë në tretjen e yndyrës ushqimore. Pankreasi gjithashtu ndihmon trupin të absorbojë vitaminat e tretshme në yndyrë si A, E dhe K. Kur pankreasi nuk i prodhon siç duhet këto enzima, jashtëqitja mund të jetë e zbehtë, e lirshme dhe e yndyrshme, raporton Men’s Health.
Dhimbjet e barkut
Dhimbja e barkut është një nga simptomat më të zakonshme të kancerit të pankreasit dhe pankreatitit akut. Por kjo dhimbje manifestohet në mënyra të ndryshme, në varësi të gjendjes themelore.
Sipas doktor Andrew Handifar, nëse dhimbja duket se fillon në mes dhe më pas kalon në pjesën e poshtme të shpinës dhe nëse zgjat me javë, mund të jetë shenjë e kancerit të pankreasit.
“Nëse dhimbja shfaqet papritur, është intensive dhe është e përqendruar në mes të barkut, problemi mund të jetë pankreatiti akut”, thotë ai.
Ndryshime të papritura me diabetin
Nëse keni diabet dhe papritur e keni të vështirë ta menaxhoni, problemi mund të jetë në pankreasin tuaj.
“Ndryshimet e papritura në statusin e diabetit pa asnjë shpjegim të dukshëm janë shpesh një nga lidhjet me kancerin e pankreasit,” vëren Dr. Hendifar.
Gjegjësisht, siç u përmend, pankreasi prodhon hormone që ndihmojnë në kontrollin e prodhimit të insulinës në trup, si dhe nivelin e sheqerit në gjak.
Ndjeheni të përzier pasi keni ngrënë ushqim të yndyrshëm
Të përzierat dhe të vjellat janë simptoma për t’u kujdesur, veçanërisht nëse keni ngrënë ushqim të yndyrshëm. Për shkak se pankreasi prodhon enzima që ndihmojnë sistemin tretës të shpërbëjë yndyrën, sëmundjet që prekin pankreasin priren të ndërhyjnë në aftësinë e trupit për të tretur yndyrën, duke çuar në të përzier.
Kjo është arsyeja pse hamburgerët, si dhe avokadot, arrat dhe pica, janë ushqime të vështira për pacientët me pankreas të komprometuar.
Humbja e peshës
Nëse jeni duke humbur peshë dhe nuk mbani dietë, por në të njëjtën kohë po përjetoni dhimbje që rrezaton nga mesi i barkut deri në shpinë, kjo mund të lidhet me kancerin ose sëmundjen e pankreasit, thotë doktor Hendifar.
Problemet e tiroides dhe disa kushte të tjera mjekësore mund të shpjegojnë gjithashtu humbjen e shpejtë të peshës.
Verdhëza
Zverdhja e lëkurës ose e të bardhës së syve janë shenja të verdhëzës, e cila gjithashtu mund të jetë një simptomë e kancerit të pankreasit, sipas klinikës Mayo. Urina me ngjyrë të errët është gjithashtu një simptomë e zakonshme e kancerit të avancuar. Në çdo rast, shikimi i nuancave të pazakonta të të verdhës duhet t’ju sinjalizojë që të shkoni te mjeku sa më shpejt të jetë e mundur.
