Qeveria i ka dhënë drit jeshile Informacionit për nevojën e nënshkrimit të Marrëveshjes për grant për projektin “Rehabilitim të objekteve të edukatës fizike në shkollat fillore dhe të mesme dhe furnizimi m e pajisje sportive në Maqedoninë e Veriut”, bëri të ditur në konferencën e sotme për shtyp, zëdhënësi i Qeverisë së Republikës së Maqedonisë së Veriut Muamet Hoxha i cili njoftoi për vendimet e miratuara në seancën e djeshme të Qeverisë .
“Bëhet fjalë për grant me vlerë prej 3 milionë euro nga Korniza e Investimeve për Ballkanin Perëndimor (ËBIF), me të cilat parashihet rikonustrimi i 30 sallave ekzistuese sportive në shkollat fillore dhe të mesme dhe furnizim me pajisje sportive të 50 sallave ekzistuese sportive në shkollat fillore,” u shprehë Hoxha.
Sipas tij, bëhet fjalë për mjete të pakthyeshme nga Banka për Zhvillim pranë Këshillit të Evropës dhe se marrëveshja mes Republikës së Maqedonisë së Veriut e përfaqësuar nga Ministria e Arsimit dhe Shkencës dhe Banka për Zhvillim pranë Këshillit të Evropës duhet të nënshkruhet gjatë javës së ardhshme.