Kosovë, Maqedonci: Bashkëpunimi me Turqinë po zgjerohet në fusha kyçe
Ministri i Mbrojtjes i Republikës së Kosovës, Ejup Maqedonci, ka deklaruar se marrëdhëniet ndërmjet Kosovës dhe Turqisë janë ndërtuar mbi mirëbesimin dhe do të kenë një rol të rëndësishëm në ndërtimin dhe ruajtjen e paqes në rajon.
“Aleanca mes Republikës së Kosovës dhe Republikës së Turqisë e ndërtuar me mirëbesim do të ketë rol kyç në ndërtimin dhe ruajtjen e paqes në rajon”, shkroi Maqedonci në një postim në rrjete sociale.
Ai shtoi se blerjet ushtarake, zhvillimi dhe fuqizimi i industrisë së mbrojtjes, si dhe trajnimet e përbashkëta janë disa nga fushat që tashmë kanë hyrë në një fazë të re të bashkëpunimit.
“Blerjet ushtarake, zhvillimi dhe fuqizimi i industrisë së mbrojtjes, trajnimet e përbashkëta si dhe bashkëzbarkimet dhe misionet ushtarake janë vetëm disa nga fushat të cilat tashmë kanë hyrë në fazë të re të zhvillimeve”, tha Maqedonci.
