Kosovë: Mashtruan një shtetas të Maqedonisë së Veriut, arrestohen në flagrancë
Policia e Kosovës ka arrestuar dy persona të dyshuar për përfshirje në një rast mashtrimi ndaj një shtetasi të Maqedonisë së Veriut.
Ngjarja ka ndodhur më 8 prill, rreth orës 21:00 në Prishtinë, ndërsa arrestimi i të dyshuarve është kryer dy ditë më vonë. Sipas njoftimit të policisë, dy personat kanë mashtruar viktimën duke i marrë një shumë të konsiderueshme parash.
Të dy të dyshuarit janë intervistuar nga hetuesit policorë dhe, me vendim të prokurorit të rastit, janë dërguar në mbajtje.
Autoritetet kanë bërë të ditur se hetimet lidhur me rastin janë ende në vazhdim.
