Që BDI është rekordere e mashtrimit kjo nuk përbën ndonjë risi. Që në 18 vite të qeverisjes dhe në gjashtë qeveri të ndryshme ska realizuar kurrë ndonjë premtim brenda 100 ditëshit të parë edhe kjo s’është risi. Që për ta politika është mështrim dhe jo seriozitet për premtimet qe jep edhe kjo nuk përbën risi. Risia është që më në fund Nënkryetari i saj Izet Mexhiti pranoi të gjitha ato gjëra të cilat Aleanca për Shqiptarët i tha në 100 ditëshin e qeverisjes.
Urojmë që të mos jetë lojë dhe z.Mexhiti ta bëjë zgjidhjen e tij a do të vazhdojë të jetë në anën e rrenës dhe të mashtrimit që udhëhiqet nga Kryetari i BDI Ali Ahmeti apo fjalët e thëna do t’i shndërrojë në veprime konkrete dhe në ditët në vazhdim do të dëgjojmë edhe largimin e tij përfundimtar nga BDI-ja?
