Ditë më parë, kryetari i BDI-së, Ahmeti festoi ditëlindjen e 62-të me radhë. Ahmeti është lindur më 4 janar të vitit 1959 në fshatin Zajaz të Kërçovës. Angazhimi politik i tij ka filluar qysh në shkollë të mesme, kur arriti që me sukses të vendoste përdorimin e gjuhës shqipe në gjimnazin e tij në Kërçovë. Në vitin 1979 Ahmeti fillon studimet në Fakultetin filozofik pranë Universitetit të Prishtinës, ku diplomon në vitin 1983. Së fundmi Ahmeti, u nderua me titullin “Doctor Honoris Causa” nga Universiteti i Tetovës.
Status i kryetarit të BDI-së, Ali Ahmeti:
Të dashur vëllezër e motra, jam pafundësisht mirënjohës për vëmendjen tuaj dhe për mijëra uratat dashamirëse nga kaq shumë prej jush.
Ju faleminderoj shumë dhe jam shumë i lumtur që jemi bashkë sepse kur jemi të bashkuar, jemi më të fortë dhe jemi më mirë.
Qofshi mirë e shëndosh miq, ju paqa përgjithëmonë.
