Bytyqi: Investimi me kapitalin njerëzor është njejtë i rëndësishëm si dhe investimet kapitale

vull

Investimet në kapitalin njerëzor janë njëjtë të rëndësishme si dhe investimet kapitale. Besoj se investimi në njerëz është me rëndësi vitale për mirëqenien e shoqërisë dhe për ndërtimin e ekonomisë më të fuqishme, tha zëvendës kryeministri për çështje ekonomike, Fatmir Bytyqi, në hapjen e Konferencës së 12-të vjetore për menaxhim me resurse njerëzore, të organizuar nga asociacioni i Maqedonisë së Veriut për resurse njerëzore.

Në konferencë, që sot dhe nesër mbahet përmes lidhjes video-konferenciale, zëvendës kryeministri Bytyqi, vlerësoi se investimet në sferën e resurseve njerëzore janë investime në vizionin e vendit dhe kanë ndikim të drejtpërdrejtë në rritjen ekonomike, mirëqenien sociale dhe zhvillimin demokratik të çdo shteti.

“Ky vit ishte shumë sfidues, posaçërisht për menaxherët e resurseve njerëzore. Nuk ka dyshim se pandemia e ka vendosur kapitalin njerëzor si prioritet numër një në gati çdo organizatë në botë. Poashtu, padyshim është se Qeveria e Republikës së Maqedonisë së Veriut e ka prioritet zhvillimin e kapitalit njerëzor, me kujdes për njerëzit, me inkurajim të kompanive që të kujdesen për të punësuarit e tyre dhe me ndërtimin e shoqërisë, ku ka përkujdesje të ndërsjellë. Kjo është mënyra e vetme që të tejkalohen kohërat e këqija dhe të bëhet që kohërat e mira të zgjasin më shumë”, tha Bytyqi.

Ai, siç kumton Kabineti i tij, tha se pandemia ka shkaktuar goditje dhe ka bërë presion për ristruktuimin e proceseve në shumë sfera.

“Kohërat e këqija janë disejnuar që të na bëjnë më të fuqishëm dhe më të mençur, por poashtu kohërat e këqija na japin mundësi të rritemi, të zbulojmë dhe të ndryshojmë. Pa marrë parasysh se si ndryshojnë rrethanat, një punë çdoherë do të mbetet e vërtetë – një komb i cili ka mësuar se më me rëndësi është të kujdesemi njëri për tjetrin, mund të tejkalojë gjithçka”, porositi Bytyqi në fjalimin e tij në konferencë.

Në hapjen solemne të konferencës, fjalim mbajti edhe kryetari i Federatës botërore për njerëz, Bob Morton, dhe kryetari i asociacionit të Maqedonisë së Veriut për resurse njerëzore, Darko Petrovski.

Next Post

Katër xhiro para mbylljes së gjysmësezonit vjeshtorë, Shkëndija është e para në renditje, ekipi i vetëm pa humbje.

Lider dhe dominues në të gjitha statistikat pas 14-të xhirove në Ligën e Parë të Futbollit në Maqedoninë e Veriut. Kjo është ecuria e momentit e Shkëndijës 4 xhiro para pauzës dimërore. Seri e gjatë pa humbje tashmë në 14 duele me radhë, gjatë të cilave kemi shënuar 8 fitore […]

Subscribe US Now

%d bloggers like this: