Drejtori i AZGJ-së Sela vizitoi Agjencinë e Ushqimit dhe të Veterinarisë

Kohanews Admin
Pas vizitës së Agjencisë së Ushqimit dhe të Veterinarisë në muajin tetor 2019, sot u realizua vizitë e re nga ana e drejtorit të AZGj-së, Ylber Sela në kuadër të së cilës kishte takim pune me drejtorin e Agjencisë së Ushqimit dhe të Veterinarisë, z. Nikollçe Babovskin.
Në takim drejtori Sela theksoi se është vërejtur ndërprerje në zbatimin e detyrimeve të Ligjit të Përdorimit të Gjuhëve në punën e Agjencisë së Ushqimit dhe të Veterinarisë, se përveç tabelës dhe vulës, të cilat janë ndërruar, mbeten edhe aktivitete të tjera të cilat duhet të bëhen me qëllim harmonizimin me detyrimet ligjore.
Drejtori Sela e përshëndeti gatishmërinë për bashkëpunim të drejtorit Babovski dhe e informoi atë se AZGj-ja është e hapur për bashkëpunim me AUV-në në aspektin e ndihmës profesionale për zbatimin e Ligjit të Përdorimit të Gjuhëve, si përkthimin dhe lekturimin e akteve të përgjithshme dhe formularëve, të cilat dalin nga puna vijuese e Agjencisë së Ushqimit dhe e Veterinarisë.
Drejtori Babovski theksoi se në institucionin të cilin e udhëheq, mungojnë burime njerëzore për përkthim të dokumenteve zyrtare nga gjuha maqedonase në atë shqipe dhe anasjelltas dhe në këtë drejtim kërkon ndihmë nga AZGj-ja, gjithashtu e falënderoi për qasjen pozitive dhe gatishmërinë për bashkëpunim ndërmjet dy institucioneve.

Next Post

Bytyqi: Kjo krizë do të jetë më e madhe se e 2001 dhe ajo pas Luftës së Dytë Botërore

Do të vijojë periudhë shumë e vështirë nëpër të cilën nuk kemi kaluar asnjëherë, kështu e paraqet situatën pas luftës në Ukrainës, zëvendëskryeministri për çështje ekonomike Fatmir Bytyqi në ClickPlus në TV21. “Dikush mund të thotë se kemi pasur ne, kemi kaluar luftë në 2001 dhe unë po ju them […]

Subscribe US Now

%d bloggers like this: