Grubi-Abazoviq: Marrëdhëniet Maqedoni e Veriut-Mali i Zi janë të shkëlqyera

Blerand Rexhepi

Zëvendëskryeministri i parë dhe Ministër për sistem politik dhe marrëdhënie ndërmjet bashkësive, Artan Grubi ka realizuar një takim online me zëvendëskryeministrin e Malit të Zi, Dritan Abazoviq.

Në këtë takim, të dy bashkëbiseduesit Grubi dhe Abazoviq shkëmbyen mendime për temat politike aktuale në vend dhe rajon. Të dy bashkë kanë vlerësuar lartë bashkëpunimin midis Republikës së Maqedonisë së Veriut dhe Malit të Zi, bashkëpunim ky i cili është në nivel të shkëlqyeshëm.

Zëvendëskryeministri i parë Grubi ka uruar homologun e tij nga Mali i Zi, z. Dritan Abazviq për postin zëvendëskryeministër dhe për realizimin e suksesshëm deri më tani të politikave kyçe të cilat janë në favor të të gjithë qytetarëve në Mal të Zi.

Grubi gjithashtu i ka thënë kolegut të tij Abazoviq se Maqedonia e Veriut është e angazhuar me shumë përkushtim në përmbushjen e reformave dhe obligimeve të domosdoshme me qëllim çeljen sa më të shpejtë të negociatave me Bashkimin Evropian.

Nga ana e tij zëvendëskryeministri i Malit të Zi, Dritan Abazoviq i ka thënë Grubit se Maqedonia e Veriut është një shtet mik dhe partner strategjik i vendit të tij. Abazoviq thotë se marrëdhëniet me Shkupin janë ndërtuar përmes dialogut dhe bashkëpunimit të mirë.

Grubi dhe Abazoviq gjatë këtij takimi online janë pajtuar se anëtarësimi i plotfuqishëm i Maqedonisë së Veriut dhe Malit të Zi në NATO, miqësia me ndërkombëtarët dhe në veçanti me partnerët strategjik të të dyja vendeve Shtete e Bashkuara të Amerikës dhe rruga e përbashkët drejt Bashkimit Evropian janë vlerë e shtuar për zhvillimin e rajonit dhe në veçanti për paqen dhe stabilitetin.

Next Post

Hoxha: Mbledhje e përbashkët pas zgjedhjeve parlamentare në Kosovë

Seanca e përbashkët mes qeverive të Maqedonisë së Veriut dhe Kosovës, e cila ishte planifikuar që të mbahej më 25 janar, është anuluar për shkak të shpalljes së zgjedhjeve të parakohshme në Kosovë, të cilat do të mbahen më 14 shkurt. Këtë e konfirmoi për Portalb.mk zëdhënësi i Qeverisë së Maqedonisë së […]

Subscribe US Now

%d bloggers like this: