Ministri Nuredini pret në takim ambasadorin austriak, Vucas: Diskutohet mbështetja në fushën e mjedisit jetësorë

Blerand Rexhepi

Në takimin e sotëm të ministrit Nuredini me ambasadorin e Austrisë Georg Vucas, u diskutua për mbështetjen që Austria mund t’i japë vendit tonë në fushën e mjedisit jetësor, veçanërisht përmes shkëmbimit të përvojave dhe praktikave të mira, por edhe përmes ndihmës teknike në përgatitjen e dokumentacionit të projektit për shfrytëzimin e fondeve nga programi IPA 2.

Sidoqoftë, fokusi i bisedës ishte në vizitën e ardhshme zyrtare të ministrit Nuredini në Austri të planifikuar për në dhjetor të këtij viti. Gjatë kësaj vizite zyrtare, është planifikuar një takim me ministren federale të aksionit klimatik, mjedisit jetësor, energjisë, lëvizjes, inovacioneve dhe teknologjisë Leonore Gevesler, takim ky i cili do të paraprihet nga takime ekspertësh për menaxhimin e mbeturinave dhe ndihmës teknike për legjislacionin nga Kapitulli 27 për mjedisin jetësor.

Gjatë vizitës, do të organizohen takime me kompani austriake për prodhimin e energjisë dhe infrastrukturën për menaxhimin e mbeturinave dhe ujërave të zeza.

Next Post

Sanksionohen 272 shoferë në Shkup, prej tyre 63 për tejkalim të shpejtësisë

Ministria e Punëve të Brendshme gjatë ditës së djeshme (21.10.) vazhdoi me kontrollimet e përforcuara në trafik. Në territorin e qytetit të Shkupit gjatë ditës së djeshme janë shqiptuar gjithsej 272 gjoba, ndër të cilave 63 për tejkalim të shpejtësisë, automjete të paregjistruara dhe teknikisht në gjendje jo të rregulltë […]

Subscribe US Now

%d bloggers like this: