Ministri Shaqiri priti në takim ambasadorin sllovak, Markush: Diskutohet përvoja e digjitalizimit

Blerand Rexhepi

Përvojat dhe njohuritë sllovake, në aspekt të digjitalizimit të administratës publike, ishin në fokus të takimit të sotëm të punës ndërmjet ministrit të Shoqërisë Informatike dhe Administratës Jeton Shaqiri dhe ambasadorit të Republikës së Sllovakisë Henrik Markush.

Të dy bashkëbiseduesit diskutuan lidhur me proceset reformuese dhe bashkëpunimin bilateral, veçanërisht për mbështetjen që merr Republika e Maqedonisë së Veriut nëpërmjet ,,Ndihmës sllovake” (Slovakia Aid).

Sot, ambasadori Markush, ministrit Shaqiri ia prezantoi projektin: ,,Transferim i njohurive për digjitalizim të administratës publike”, i cili ka për qëllim bartjen e përvojave reformuese të Sllovakisë dhe mbështetjen për funksionimin efikas të administratës shtetërore në sferën e digjitalizimit, në përputhje me procesin integrues të Bashkimit Evropian.

Ministri Shaqiri, shprehu kënaqësinë që nëpërmjet raportit të partneritetit do të vendoset bashkëpunim dhe do të shkëmbejnë përvoja të rëndësishme nëpërmjet aktiviteteve të propozuara, duke përfshirë edhe punëtoritë, në të cilat do të marrin pjesë të punësuarit e administratës publike. Rezultatet e projektit përfshijnë sigurim më efikas të shërbimeve elektronike, rekomandime të zhvillimit të sistemeve për sigurinë e informacioneve si dhe interoperabilitet, por do të shërbejë edhe si udhërrëfyes ndaj hapave të domosdoshëm në aspekt të legjislacionit dhe mbështetjes organizative.

Njëkohësisht, ministri Shaqiri iu falënderua ambasadorit sllovak Markush për ofrimin e mbështetjes së Republikës së Sllovakisë në aspekt të integrimt të vendit tonë në Bashkimin Evropian, duke potencuar se përvojat sllovake janë të një rëndësie të veçantë.

Next Post

Gjeraqina Hasani vajza leopard

Është vetëm 16 vjeçare, por ka vendosur që ti nxjerrë në pah hiret e saj, bukurinë e hijeshinë që ia ka dhënë nëna natyre. Zoti është treguar bujar me Gjeraqina Hasanin, 16 vjeçaren ferizajase që ka pasion botën e modës. Si 13 vjeçare vajza me emër e pamje unike morri […]

Subscribe US Now

%d bloggers like this: