Osmani takon Dendias: Po krijojmë shembull për fqinjësi të mirë, duhet ndjekur nga vendet e rajonit

Blerand Rexhepi

Takim i Ministrit të Punëve të Jashtme të Republikës së Maqedonisë së Veriut, Bujar Osmani me Ministrin e Punëve të Jashtme të Greqisë,

Athinë, 16 shtator – Ministri i Punëve të Jashtme të Republikës së Maqedonisë së Veriut, Bujar Osmani, gjatë vizitës së tij në Athinë, pati takim pune me Ministrin e Punëve të Jashtme të Greqisë, Nikos Dendias.

“Vlerësoj se po dërgojmë mesazh të mirë me takimin tim të parë si Ministër i Punëve të Jashtme këtu në Athinë, që është pasqyrë e progresit jashtëzakonisht të suksesshëm të marrëdhënieve midis dy vendeve gjatë periudhës së fundit. Ballafaqimi me pandeminë COVID-19 dëshmoi se bashkëpunimi midis fqinjëve është absolutisht i domosdoshëm dhe paraqet përfitim të madh për qytetarët e të dy vendeve. Dua t’ju siguroj se marrëdhëniet e fqinjësisë së mirë janë një nga prioritetet kryesore të politikës së jashtme të Qeverisë së re, dhe ne fuqishëm jemi të vendosur të angazhohemi në drejtim të thellimit të marrëdhënieve bilaterale mes Maqedonisë së Veriut dhe Greqisë, jo vetëm duke zbatuar obligimet e marra përsipër, por edhe me forma konkrete të bashkëpunimit, të udhëhequra nga vizioni i përbashkët për një rajon stabil dhe të prosperuar, të integruar në BE”, theksoi Osmani.

Gjatë takimit, Osmani e theksoi edhe rolin e Komisioneve të ekspertëve për marrëdhënie dypalëshe, për të cilat shprehu besimin se do të sigurohen kushte për funksionim të tyre të papenguar, pa marrë parasysh sfidat e pandemisë.

Në takim u theksua se Maqedonia e Veriut gjendet përballë një faze të rëndësishme të progresit drejtë integrimit në Bashkimin Evropian, e cila deri në fund të këtij viti pritet të avancohet me mbajtjen e Konferencës Ndërqeveritare dhe me fillimin zyrtar të negociatave aderuese me Unionin, për çka Dendias shprehu bindjen për përkrahje të parezervë këtij procesi.

Next Post

UT dhe Shoqatat “Qyteti i bletëve” dhe “Mjalti i Pollogut” organizojnë gara ndërkombëtare për kualitet të mjaltit

Fakulteti i Teknologjisë Ushqimore dhe të Ushqyerit i Universitetit të Tetovës, në bashkëpunim me Shoqatat “Qyteti i bletëve” dhe “Mjalti i Pollogut”, nga 15 shtatori deri më 15 tetor organizojnë garat ndërkombëtare për kualitet të mjaltit “Tetovo Honey Awards”. Ky aktivitet ka për qëllim promovimin e  mjaltit me cilësi të […]

Subscribe US Now

%d bloggers like this: