Shkon për t’i dhënë lamtumirën e fundit shoqes së Nezir Zogajt, Ahmeti: Shtëpia e tyre ishte strehimorja jonë

Kohanews Admin

Kreu i BDI-së Ali Ahmeti sot po qëndron në Kosovë për ti dhënë lamtumirë lokes Hata Zogaj, të shoqes së Nezir Zogajt. Oxhaku i tyre u bë baza kryesore për tërë Kosovën, këtu u mbajt edhe konferenca e parë e gjithë Levizjës, ndërsa strehim gjetën edhe Afrim Zhitia e Fadil Vata, Adem e Hamzë Jashari e shumë luftëtarë të lirisë kombëtare, shkruan kështu Ahmeti.

Postimi i tij:

Sot u nisa për në Kosovë për ti dhënë lamtumirën e fundit lokës Hata Zogaj nga Divjaka, të shoqën e xha Nezir Zogajt.

Shtëpia e tyre ishte strehimorja jonë, ata të dy na strehuam, u kujdesën për ne si për fëmijtë e tyre.

Me muaj të tërë kam qëndruar në konakun e tyre në vitin e vështirë 1989 dhe nuk e harroj asnjëherë bujarinë e Xha Nezirit dhe lokes Hata.

Oxhaku i tyre u bë baza kryesore për tërë Kosovën, këtu u mbajt edhe konferenca e parë e gjithë Levizjës, ndërsa strehim gjetën edhe Afrim Zhitia e Fadil Vata, Adem e Hamzë Jashari e shumë luftëtarë të lirisë kombëtare.

Na kishin rrethuar forcat serbe nga të gjitha anët, por Xha Neza nuk na dha izën për ta braktisur shtëpinë në mënyrë që prezenca jonë mos të dëmtoj familjen, por u bë pjesë e rezistencës dhe vuri gjithë familjen e tij në dispozicion të përpjekjeve tona.

Ngushëllime të sinqerta familjes, fëmijëve, nipave e mbesave, të janë krenar për loken e tyre heroinë.

Next Post

Ministri Nuredini bashkë me homologë nga rajoni në Përmet dhe Gjirokastër, diskutohet mbi mbrojtjen e mjedisit dhe promovim të turizmit

Ministri i Mjedisit dhe planifikimit hapësinor Naser Nuredini sot po qëndron për vizitë në Shqipëri me ftesë të ministres Kumbaro, ku në Përmet dhe Gjirokastër diskutohet mbi mbrojtjen e mjedisit dhe promovimit të turizmit. Me ftesë të Ministres së Turizmit dhe Mjedisit të Republikës së Shqipërisë, Mirela Kumbaro Furxhi, së […]

Subscribe US Now

%d bloggers like this: