Solana: Marrëveshja e Ohrit fillim i bashkëpunimit mes dy popujve të ndryshëm të RMV-së

Kohanews Admin

Nënshkrimi i Marrëveshjes Kornizë të Ohrit ishte fillimi i një udhëtimi të bashkëpunimit mes dy popujve të ndryshëm në Republikën e Maqedonisë së Veriut. Kështu është shprehur përmes një video mesazhi ish përfaqësuesi i Bashkimit Evropian për politikë të jashtme dhe siguri, Javier Solana në konferencën e organizuar me rastin e shënimit të 20 vjetorit të nënshkrimit të Marrëveshjes Kornizë të Ohrit nga ana ministria për Sistem politik dhe marrëdhënie ndërmjet bashkësive në bashkëpunim me Universitetin Kolumbia nga Shtetet e Bashkuara të Amerikës.

“Është kënaqësi për mua të kem mundësinë të festoj me ju, 20 vjetorin e Marrëveshjes së Ohrit. Ajo marrëveshje do të thoshte shumë për ju, për njerëzit tuaj, por ishte gjithashtu shumë e rëndësishme edhe për mua, ishte fillimi i një udhëtimi të bashkëpunimit mes dy popujve të ndryshëm të vendit tuaj. Unë e di që keni pasur shumë vështirësi gjatë udhëtimit tuaj, keni pasur vështirësi lidhur me çështjen e emrit tuaj që u zgjidh tashmë, keni pasur probleme me gjuhën e cila gjithashtu është zgjidhur. Ju vetëm keni filluar të negocioni tashmë pas marrëveshjes me NATO-në, të bashkëpunoni me Organizatën dhe keni nisur të përfshiheni në çështjet të cilat kanë të bëjnë me NATO-në. Jam i sigurt se shumë shpejt do të keni mundësinë për të filluar negociatat formale me Bashkimin Evropian. Unë do të qëndrojë të mbetem mik shumë i mirë i juaji dhe do të vazhdoj të jem dhe nëse ndonjëherë keni nevojë për ndonjë gjë nga një mik, mos hezitoni të kontaktoni me mua. Fat të mirë për Maqedoninë e Veriut.”

Next Post

Borrell: Marrëveshja e Ohrit, guxim për kompromis dhe përgjegjësi

Njëzet vjet më parë, Maqedonia e Veriut së bashku me mbështetjen e Bashkimit Evropian dhe ndërmjetësuesve ndërkombëtarë vendosën me guxim për kompromis dhe përgjegjësi. Në kontinentin tonë, nacionalizmi dhe ankesat etnike janë përdorur shumë herë për të ndarë dhe nxitur urrejtjen. Kështu përmes një video mesazh është shprehur përfaqësuesi i […]

Subscribe US Now

%d bloggers like this: