Studentët e fakultetit të arkitekturës dhe ndërtimtarisë prezantuan punimet e tyre në ekspozitën vjetore

Blerand Rexhepi

Arkitektët e ardhshëm, studentët e Fakultetit të Arkitekturës dhe Ndërtimtarisë, pranë Universitetit ‘Nënë Tereza’ në Shkup, sot hapën Ekspozitën vjetore ku prezentuan punimet e tyre, të cilat do të jenë të ekpozuara sot dhe nesër në Qendrën Kulturore Informative në Shkup. Ekspozita trajton fenomenet dhe konceptet aktuale socio-kulturore, arkitektonike, përmbajtësore, ekologjike dhe urbane të paraqitura përmes projekteve të punuara nga studentët përgjatë këtij viti akademik. Projektet tregojnë konceptet bashkëkohore arkitektonike dhe urbane dhe zgjidhje për lokacione të ndryshme në territorin e Shkupit dhe më gjërë, do të jenë interesante dhe frymëzuese për studentët, arkitektët dhe publikun e gjërë.

Hapja e ekspozitës u bë sot në orën 10:00 në galerinë QIK. Me këtë punimet e studentëve zgjuan interest ë madh nga pjesëmarrësit në këtë event, si dhe të ftuarit në këtë organizim. UNT në këtë mënyrë ka për qëllim nxitjen, pjesëmarrjen dhe interesin e shtuar të publikut dhe mediave, me çka ekspozita do të marrë karakter interaktiv dhe do të hapet mundësia për komunikim dhe prezentim të veprave të studentëve me publikun. Ekspozita vjetore e studentëve të Fakultetit të Arkitekturës dhe Ndërtimtarisë pranë UNT-Shkup do të mbahet më 12 dhe 13 qershor në galerinë QIK-Shkup.

Next Post

Në UNT u prezantua koncepti qytetarë 'Një shoqëri për të gjithë'

Koncepti i Qeverisë së Republikës së Maqedonisë së Veriut, ‘Një shoqëri për të gjithë dhe interkulturalizmi’ u prezantua para stafit akademik të Universitetit ‘Nënë Tereza’ në Shkup. Në debat, koordinatori i grupit të kohezionit social dhe këshilltar special për zbatimin e Мarrëveshjes Ohrit në zyrën e kryeministrit, z. Fatmir Bytyqi […]

Subscribe US Now

%d bloggers like this: