Takim i Kryeministrit Zaev me ambasadorin italian Sillvestri: Republika e Maqedonisë së Veriut i përket Evropës

vull

Kryetari i Qeverisë së Republikës së Maqedonisë së Veriut, Zoran Zaev, u takua me Andrea Sillvestri, ambasadori i ri i Republikës së Italisë në vend.

Në takim u shpreh mbështetja e Italisë për integrimet euroatlantike të vendit tonë. U konstatua se Republika e Maqedonisë së Veriut në mënyrë historike, gjeografike, kulturore dhe politike i përket Evropës dhe u shprehën pritshmëritë që vendi ynë të vazhdojë të lëviz drejt rrugës evropiane.

Kryeministri Zaev u falënderua për miqësinë e sinqertë dhe tradicionale me Republikën e Italisë dhe shprehu përcaktim për thellimin e bashkëpunimit bilateral veçanërisht në planin ekonomik, për çka është vlerësuar se ekziston interes nga të dyja palët.

“Vlerat evropiane u nevojiten qytetarëve tanë dhe ne do të vazhdojmë ta zhvillojmë shtetin sipas këtyre parimeve. Jemi të përkushtuar në zhvillimin e marrëdhënieve të mira fqinjësore, përmes marrëveshjeve me Greqinë dhe Bullgarinë, ka zbatim të Marrëveshjes së Ohrit, ndërtojmë Një shoqëri për të gjithë qytetarët dhe tani vlerësojmë se është koha për përkushtim të fokusuar drejt ekonomisë, shëndetit, arsimit dhe të fushave që drejtpërsëdrejti kanë të bëjnë me cilësinë e qytetarëve në vend”, tha Kryeministri Zaev.

Në mbledhje bashkërisht u vlerësua se Italia mund të ndihmojë në reformat në gjyqësor dhe sundimin e së drejtës, ndërsa u bisedua edhe për bashkëpunim në sferën e shëndetësisë.

Kryeministri Zaev në takimin me ambasadorin Sillvestri, i bëri ftesë Kryeministrit italian Xhusepe Konte për vizitë zyrtare në vendin tonë, kur do të vlerësohet se ekzistojnë kushte për vizitën.

Next Post

Vuqiç uron futbollistët maqedonas: Ne, qytetarët e Serbisë, do të jemi me ju me gjithë zemër

Presidenti serb Aleksandar Vuqiç përgëzoi futbollistët maqedonas për fitoren e madhe të djeshme ndaj Gjeorgjisë me 1: 0. Me këtë fitore, Maqedonia do të garojë për herë të parë në Kampionatin Evropian. “Unë i përgëzoj të gjithë qytetarët e Maqedonisë Veriore për suksesin historik dhe vendosjen e ekipit kombëtar të […]

Subscribe US Now

%d bloggers like this: