UT dhe Shoqatat “Qyteti i bletëve” dhe “Mjalti i Pollogut” organizojnë gara ndërkombëtare për kualitet të mjaltit

vull

Fakulteti i Teknologjisë Ushqimore dhe të Ushqyerit i Universitetit të Tetovës, në bashkëpunim me Shoqatat “Qyteti i bletëve” dhe “Mjalti i Pollogut”, nga 15 shtatori deri më 15 tetor organizojnë garat ndërkombëtare për kualitet të mjaltit “Tetovo Honey Awards”.

Ky aktivitet ka për qëllim promovimin e  mjaltit me cilësi të lartë, në çdo aspekt të spektrit të përdorimit dhe konsumimit të  tij, si dhe nxitje të njohurive mbi vlerën e veçantë dhe vetitë e shëndetshme ushqyese të mjaltit për konsumatorët e rinj.

Garat ndërkombëtare për kualitet të mjaltit “Tetovo Honey Awards” do të përfshijnë edhe ndarjen e disa çmime, si: Medalje e artë; Medalje e argjendtë; Medalje e bronzit dhe Çmimin “Bleta e artë”. Komisionet e garave “Tetovo Honey Awards” mund të sjellin vendim edhe për çmime të tjera për raste jashtëzakonisht specifike.

Analizat organoleptike të mjaltit do të bëhen më 31 tetor dhe 1 nëntor 2020, kurse analizat laboratorike do të bëhen pas 2 nëntorit dhe do të zgjasin përafërsisht rreth dy javë.

Kushti i domosdoshëm për pjesëmarrje në këtë garë është që aplikuesi të posedojë një numër zyrtar të regjistruar si bletërritës në shtetin e tij dhe mjalti që do të dërgohet në konkurs  t’i takojë vjeljes gjatë viteve 2019/2020. Rreptësisht, është e ndaluar ndikimi fizik nga jashtë, ndërsa mjalti duhet të dërgohet në formën e tij natyrale. Është e lejueshme edhe dërgimi i mjaltit të kristalizuar dhe me hoje.

Për më shumë informacione, të gjithë të interesuarit që duan të jenë pjesë e këtyre garave duhet të  drejtohen tek Shoqatat “Qyteti i bletëve” dhe “Mjalti i Pollogut”

Next Post

Dimitrov: Nga Greqia presim mbështetje dhe ndihmë në rrugën evropiane

„Vendimi për hapjen e negociatave paraqasëse për anëtarësim në BE është kthesë kyçe edhe për Maqedoninë e Veriut edhe për rajonin në vitin 2020, njëashtu edhe vërtetim për përkushtimin e Bashkimit Evropian drejt prioriteteve të saj gjeostratgjike“.     Ky është mesazhi kryesor të cilin Zëvendëskryeministri Nikolla Dimitrov sot e […]

Subscribe US Now

%d bloggers like this: