Ansambli Nacional shqiptar i vetmi nga grupet pjesëmarrëse që pranoi mirënjohje nga organizatorët e festivalit “JIF Catalunya” 2021, edicioni i 49-të

vull
Sapo ka përfunduar pjesëmarrja dhjetëditore e Ansamblit shqiptar në festivalin me renome ndërkombëtare “Jodranes Internacional Folkloriques de Catalunya” edicioni i 49-të! Janë zhvilluar takime të rëndësishme në nivelet më të larta shtetërore, personalitete të shumta kanë shfaqur interesim të veçantë për ansamblin tonë, janë mbajtur seminare ku u prezantuan në mënyrë të hollsishme vlerat e instrumenteve, këngëve, veshjeve, valleve dhe punës dy vjeçare të ansamblit me ç’rast profesorë e studiues ndërkombëtare u ndanë të impresionuar. U realizuan koncerte me sukses të jashtëzakonshëm, me program të veçantë e shumë të ngjeshur në qytetet kryesore të Katalonisë. Në mesin e grupeve pjesëmarrëse nga Ekuadori, Ukraina, Rusia dhe Katalonia, organizatorët e festivalit, respektivisht kryetari i “Adi folk”- Ivan Besola i Rolg dhe drejtori i festivalit JIF- Catalunya – Orion Ramirez i Carol vendosën që nga të gjitha grupet të dallojnë Ansamblin shqiptar andaj pavarësisht se ky festival kishte karakter revial u vendos që nga grupet pjesëmarrëse të ndahet mirënjohje vetëm vetëm për Ansamblin Nacional të këngëve e valleve popullore shqiptare në RMV me motivacion “për profesionalizmin, kualitetin artistik, punën e madhe si dhe përkushtimin ndaj traditave, në edicionin e 49-të të festivalit Jornades Internacionals Folkloriques de Catalunya!
Kjo mirënjohje ka vlerë të madhe duke marrë parasysh se vjen nga një festival që është nën emblemën e CIOFF- Këshilli Ndërkombëtar i Organizatave të Festivaleve Folklorike dhe Arteve Popullore – partner oficial i UNESCO. Kjo mirënjohje dëshmon se ansambli ynë si institucion ka arritur tashmë që me punë e suksese të njëpasnjëshme të bëhet emër i përveçëm në agjendat e organizatave dhe festivaleve të mëdha botërore! Ansambli prezantimin e sontëm e mbylli me koreografinë “Vallja e paqes” si mesazh dhe dëshirë që paqja, mirëkuptimi e dashuria ta mbizotërojë tërë botën dhe kultura të mbetet gjuha më e unisuar e bashkimit dhe mirëkuptimit në mes shteteve e kombeve!
Next Post

Nënkryetari i Kuvendit Fadil Zendeli, mori pjesë në Konferencën a Forumit parlamentar për inteligjencë dhe siguri në Budapest

Nënkryetari i Kuvendit të Republikës së Maqedonisë së Veriut, prof.Fadil Zendeli, mori pjesë në Konferencën a Forumit parlamentar për inteligjencë dhe siguri që u mbajt me 6 shtator të këtij viti në Budapest. Forumi u organizua nga Parlamenti i Hungarisë dhe kongresmenit nga SHBA-ja, Robert Pitinger.Në këtë Konferencë morën pjesë […]

Subscribe US Now

%d bloggers like this: