Bekteshi: Me ndryshimet e Ligjit për mbështetje financiare të investimeve më shumë se 200 kompani përfitojnë kushte më të mira për investim

vull

Bekteshi: Me ndryshimet e Ligjit për mbështetje financiare të investimeve më shumë se 200 kompani përfitojnë kushte më të mira për investim

Me propozim të Ministrisë së Ekonomisë, Qeveria në seancën e sotme miratoi ndryshimet dhe plotësimet e Ligjit për mbështetje financiare të investimeve, njoftoi Ministri i Ekonomisë, Kreshnik Bekteshi në profilin e tij në fejsbuk.

Me këto ndryshime të Ligjit lehtësohen kriteret për aplikim dhe për pagesën e mbështetjes financiare për kompanitë prodhuese.

Me ndryshimet e këtij Ligji do të lehtësohen kushtet për 245 kompani që kanë kontrata aktive, e veçanërisht kompanitë potenciale të reja, që kanë investuar në vitin 2020 ose do të investojnë në vitin 2021.

Në përputhje me ndryshimet ligjore:
– Lehtësohen kushtet për ndarjen e mbështetjes financiare për kompanitë që kanë investuar në kushte të Kovid-it
– Rritet përfshirja e kompanive që do të mund të aplikojnë për mbështetje financiare
– Përmirësohen kushtet për investime nga diaspora
– U jepet mbështetje plotësuese financiare kompanive që janë nga rajonet më pak të zhvilluara në shtet.

Qëllimi i ndryshimeve dhe plotësimeve të këtij ligji është nxitja e përshpejtuar e rritjes ekonomike në Republikën e Maqedonisë së Veriut përmes mbështetjes së investimeve për rritjen e aftësisë konkurruese të ekonomisë së Republikës së Maqedonisë së Veriut dhe të punësimeve.

Ligji për mbështetje financiare të investimeve filloi të zbatohet në vitin 2018 si pjesë e Planit për rritje ekonomike të Qeverisë.

Next Post

Grubi: Qeveria ia ndan pishinën Komunës Çair

Zëvendëskryeministri i parë dhe ministër për Sistem politik dhe marrëdhënie ndërmjet bashkësive, Artan Grubi përmes faqes së tij zyrtare në rrjetin social facebook njoftoi opinionin se në seancën e sotme të 88-të të Qeverisë së Republikës së Maqedonisë së Veriut u miratua vendimi që pishina në rrugën Dizhonska në Çair […]

Subscribe US Now

%d bloggers like this: