Dimitrov në takim me ambasadoren Petroviq: Vizioni i përbashkët për një Ballkan Perëndimor evropian përmes bashkëpunimit të afërt me Malin e Zi

vull

Zëvendëskryetari i Qeverisë për Çështje Evropiane, Nikolla Dimitrov sot kishte takim me Ambasadoren e Malit të Zi në vend, Marija Petroviq, me qëllim të shkëmbimit të mendimeve dhe aktualiteteve në kontekst të procesit euro-integrues si të Maqedonisë së Veriut, ashtu edhe të Malit të Zi.

Në takim u konfirmua bashkëpunimi i shkëlqyer mes dy vendeve në kontekst të këtij procesi.

 “Përvojat e fundit me Malin e Zi në udhëheqjen e negociatave aderuese të cilët u prezantuan para Sekretariatit për Çështje Evropiane dhe Ministrinë për Punë të Jashtme, konfirmojnë bashkëpunimin tonë të afërt në arritjen e vizionit të përbashkët për vendet tona, por edhe të Ballkanit Perëndimor në përgjithësi”, theksoi Zëvendëskryeministri Dimitrov.

Bashkëbiseduesit diskutuan edhe mundësinë për revitalizimin e bashkëpunimit në kuadër të Komitetit të Përzier sipas Marrëveshjes për Bashkëpunim në sferën e integrimit në BE, duke u dokorduar se takimi do të ishte e rëndësisë së veçantë në këtë periudhë, nën dritën e metodologjisë së re dhe mënyrës së zbatimit të reformave evropiane në këtë kontekst.

Ata shprehën pritje se trendi pozitiv në bashkëpunimin bilateral do të kontribuojë në stabilitetin e rajonit, dhe në ndërtimin e ardhmërisë së përbashkët evropiane.

Next Post

Ziadin Sela: Skënderbeu, Gjergji ynë i dashur, Kuvendi i Lezhës është mesazhi që u la shqiptarëve për të ardhmen

Nder dhe kënaqësi e veçantë që sot në këtë ditë kaq të rëndësishme, me ftesë të Kryetarit të Lëvizjes Vetëvendosje, z.Albin Kurti, të jem bashkë me të e bashkë me Shaip Kamberin e Bujanocit e Preshevës dhe Nik Gjeloshajn e Tuzit në vendin e Besëlidhjes Shqiptare, në Lezhën e prijësve […]

Subscribe US Now

%d bloggers like this: