Grubi: Shtyrja e REGJISTRIMIT në RMV, shqiptarët tani përfitojnë më shumë

Blerand Rexhepi

Artan Grubi, zëvendëskryeministri i Maqedonisë së Veriut tha për Euronews Albania se shtyrja e REGJISTRIMIT në Maqedoninë e Veriut nuk erdhi për shkak të shqiptarëve, por të komunitetit maqedonas, pasi partitë politike të opozitës kërcënonin me bojkot të procesit, transmeton GAZETA.MK

Sipas tij, nga shtyrja e regjistrimit përfitojnë shqiptarët pasi që periudha për regjistrimin e diasporës zgjatet, nga 1 marsi siç ka nisur deri në 30 shtator d.m.th kemi 6 muaj të plotë për të regjistruar diasporën dhe shtyhet vetëm regjistrimi i popullsisë rezidente.

Grubi është shprehur i kënaqur për ritmet e regjistrimit të diasporës, ku deri tani janë regjistruar 171 mijë qytetarë nga të cilët shumica shqiptarë të Maqedonisë së Veriut.

“Turi i takimeve në Kosovë dhe Shqipëri pati shumë ndikim, është krijuar një sensibilizim i madh si në ndeshjet e kombëtares. Shumë mirënjohës për rolin e medias në Shqipëri dhe Kosovë numrat inkurajues për ne. Shqiptarët nuk kanë humbur asgjë nga propozimi i djeshëm i Zaev, por kanë fituar pasi kanë 6 muaj kohë për t’u regjistruar. Shtyrja nuk është në dëm të shqiptarëve që do të kenë më shumë kohë deri në 30 shtator që të regjistrohen. Procesi duhet të jetë i pakontestuar, as nga opozita, ne nuk na nevojitet një proces i kontestuar”, tha zv.kryeministri i parë.

Next Post

Zaev: Hyrja e Agjencisë Franceze për Zhvillim në vend është mbështetje shtesë për procesin eurointegrues dhe sinjal i fortë për forcimin e marrëdhënieve bilaterale mes Maqedonisë së Veriut dhe Francës

Kryetari i Qeverisë së Republikës së Maqedonisë së Veriut, Zoran Zaev priti në takim delegacionin e Agjencisë Franceze për Zhvillim të udhëhequr nga drejtori rajonal për Ballkanin Perëndimor, Dominik Otberg, i shoqëruar nga ambasadori i Republikës së Francës në vendin tonë, Siril Bomgartner. Në takim, në të cilin morën pjesë […]

Subscribe US Now

%d bloggers like this: