Kovaçevski: Në vitin 2021 kemi realizuar 79% të investimeve kapitale dhe vazhdojmë me ritmin e njëjtë

vull

Kryeministri Dimitar Kovaçevski, në deklaratën gjatë inspektimit të ndërtimit të autostradës së shpejtë Gradsko-Prilep, theksoi se në përputhe me analizat, efikasiteti i Qeverisë në pjesën e realizimit të investimeve kapitale është i shkëlqyeshëm edhe në kohë krize.

“Vitin e kaluar kemi realizuar 79% të investimeve kapitale dhe me të njëjtin ritëm po vazhdojmë edhe këtë vit. Rrugët luajnë rol të rëndësishëm në  këto investime. Deri në fund të mandatit në vitin 2024, qëllimi im si Kryeministër edhe i kësaj Qeverie është të kemi rrugë moderne dhe të sigurta që do të nënkuptojnë lëvizje më të shpejtë,por edhe ekonomi të fortë dhe të zhvilluar”, tha Kovaçevski.
Ai shtoi se investimet kapitale infrastrukturore ndihmojnë për ruajtjen e stabilitetit ekonomik, për sigurimin e produktivitetit dhe punësimeve më të larta, për uljen e shpenzimeve të prodhimit dhe të transportit për kompanitë dhe për rritjen e cilësisë së jetës së qytetarëve.

“Qëllimi ynë është që Maqedonia e Veriut të vazhdojë të ndërtohet dhe të lidhet me infrastrukturë rrugore cilësore, të sigurt dhe moderne. Që nga fillimi i mandatit të saj, kjo Qeveri ndërtoi dhe rindërtoi mbi 1000 km rrugë. Me të gjitha investimet, qytetarët udhëtojnë më lehtë dhe më të sigurt, ndërsa kompanitë i transportojnë produktet e tyre më shpejt dhe me efikasitet dhe kontribuojnë në zhvillimin ekonomik të vendit. Kriza ekonomike me të cilën po përballemi kërkon fokus edhe më të madh dhe realizim më të shpejtë të investimeve kapitale. Dihet që në një kohë krize më e rëndësishme është që të investohet pikërisht në infrastrukturë, sepse ndërtimi është motori i ekonomisë. Për këtë shkak si Qeveri jemi të fokusuar në efikasitet edhe më të madh në realizimin e projekteve infrastrukturore”, tha Kovaçevski.

Next Post

Cila është më e sigurt - një makinë elektrike apo një makinë me naftë / benzinë?

Makinat elektrike janë konsideruar gjithmonë më të sigurta se automjetet me benzinë ​​ose me naftë; automjetet elektrike kanë më pak pjesë lëvizëse si dhe më pak lëng.   Megjithatë, një studim i ri tregon se makinat elektrike nuk janë ende më të sigurta se variantet me motorë me djegie të brendshme. […]

Subscribe US Now

%d bloggers like this: