Lazim Destani: Apel mërgimtarëve nga Maqedonia e Veriut, REGJISTROHUNI !

vull

Filantropi dhe njëherit sponsori kryesor i KF “Shkëndija”,  Lazim Destani ka bërë thirrje diasporës që regjistrohen: 

Të nderuar pjesëtarë të diasporës sonë, qytetarë shtetas të Maqedonisë së Veriut, përmes këtij apeli po Ju drejtohem për ta theksuar e për ta risjellë në vëmendjen e çdonjërit peshën e jashtëzakonshme që ka akti i regjistrimit pasi ky nuk është vetëm akt qytetar por gjithsesi është edhe akt kombëtar, andaj, REGJISTROHUNI!
Si anëtar i Këshillit Koordinues të Diasporës sonë, Ju bëj thirrje të gjithëve kudo që ndodheni jashtë vendit, me punë e aktivitete anekënd botës.
Siç jeni në dijeni, tashmë gati dy dekada pas regjistrimit të fundit, nga data 1 Mars ka nisur regjistrimi i popullatës në Republikën e Maqedonisë së Veriut, ndërsa përfundon më 21 Prill.
Ashtu siç jemi treguar gjithmonë të gatshëm dhe aktiv për mbrojtjen dhe avancimin e çështjes sonë kombëtare, le të tregohemi të vëmendshëm edhe tani në këtë moment historik, kur gjithsecili prej nesh duke i dalë zot familjes dhe pronës së vet, do ta dëshmojmë se dimë t’i dalim zot hises që na takon në shtëpinë tonë të përbashkët.
Regjistrimi i popullatës së një vendi vërtet është një akt me karakter statistikor por bazuar në sistemin juridik e kushtetues që ka Maqedonia e Veriut, regjistrimi është shumë më shumë se thjesht statistikë. Sipas këtij sistemi, rezultatet e regjistrimit e përcaktojnë edhe bazën juridiko-kushtetuese për gjithçka që na takon si etni në këtë vend.
Ky është linku i aplikacionit të publikuar nga Enti Shtetëror për Statistikë ku duhet të regjistroheni vetë, duke e plotësuar online formularin sipas udhëzimeve të dhëna:
Regjistrohuni sa më parë që të jetë e mundur dhe pa humbur kohë, si dhe shpërndajeni njoftimin te të afërmit dhe miqtë tuaj që mund të jenë të painformuar!
Next Post

Rrugët njëkahëshe dhe siguria e qytetarëve të Çairit në fokus të bashkëpunimit me Ministrinë e Punëve të Brendshme

Takimi i sotëm i punës me zëvendës ministrin e punëve të brendshme z. Nazim Bushi, ndihmës drejtorin e Byrosë për Siguri Publike z. Shefik Bajrami dhe komandantin e stacionit policor z. Enver Selami dhe dëshmon për qasjen konstruktive të bashkëpunimit të përditshëm që kemi në shërbim të sigurisë së qytetarëve. […]

Subscribe US Now

%d bloggers like this: