Natën tradhtar, ditën patriot!

vull

O Zot… Ç’janë këto fjalë kundër njëri-tjetrit, shqiptari kundër shqiptarit, individi kundër individit, njëra parti kundër tjetrës, spiuni – bashkëpunëtori i UDB-ës, kundër disidentit politik, tradhtari kundër patriotit, lajkatari kundër luftëtarit të lirisë, i pafeu kundër besimtarit, i padituri kundër të dijshmit, tallaveja kundër traditës, i pavleri kundër vlerës, e…

Ç’po ndodh kështu te ne, me ne?
Kudo, kah do, në gazeta, portale të përditshme, sheh, lexon e tmerrohesh prej shkrimeve, të cilat të fusin dyshime gjithfarë, ta shkelin e përbuzin ëndrrën, idealin, synimin…

Dhe, në këto situata, jo rrallë, të bie në mend Fishta dhe fjalët e tij: “…le ta di bota mbarë se Gjergj Fishta më s’është shqiptar!”.

Të bie në mend i madhi Konicë dhe fjalët e tij: “Armiku i shqiptarit është shqiptari!”.

Të bie në mend Noli dhe fjalët e tij: “Shqiptari natën të bën tradhtar e ditën patriot!”.

Këto janë thënë para njëqind vjetësh. Këto janë aktuale edhe sot, pas njëqind vjetësh!

As deri sot, ende nuk u korrigjuam as nuk mësuam gjë…

O Zot!

Çka?

Pse?

Ku jemi?

Ç’jemi duke bërë?

Ç’po i bëjmë vetes?

Ku fjalët, veprat e amanetet e të parëve tanë, që e ujitën me gjak këtë tokë brez pas brezi?

Ku dhe amanetet e dëshmorëve të luftës sonë të fundit?

Çka po bëjmë për shtetin tonë të Kosovës?

Hedhin serbët një gur n’ujë, e zhytën njëqind budallenj shqiptarë e s’e nxjerrin dot!

E paça gabim! Gani Dili /Kosovarja/

Next Post

Vazhdojnë takimet e kryetarit te PDSH-së z.Menduh Thaçi ku sot qendroj në Strugë

Në këtë takim kryetari i PDSH-së theksoi se nje ndër shtyllat kryesore te PDSH-së ka qenë inkuadrimi i këtij vendi në NATO dhe BE. Këmbëngulsia jonë dhe trysnia e nderkombetarve bënë që me ndryshimin e emrit të hapen dyert e NATO, prandaj duhet mbështetur kandidati qeveritar për presindet që të […]

Subscribe US Now

%d bloggers like this: