Nesër në Shkup do të mbahet Forumi Ekonomik me iniciativë të Maqedonisë së Veriut, Shqipërisë dhe Serbisë

vull

Në organizim të Kabinetit të Kryetarit të Qeverisë së Republikës së Maqedonisë së Veriut, Zoran Zaev, në koordinim me kabinetet e Presidentit të Republikës së Serbisë, Aleksandar Vuçiq dhe Kryetarit të Qeverisë së Republikës së Shqipërisë, Edi Rama, në bashkëpunim me odat ekonomike nga rajoni, nesër në Shkup do të mbahet Forumi Ekonomik për Bashkëpunim Rajonal me rëndësi të madhe.

Në këtë ngjarje të rëndësishme do të marrin pjesë përfaqësues prej më shumë se 300 kompanive nga Shqipëria, Serbia dhe Maqedonia e Veriut, nga më shumë vende të tjera nga rajoni, si dhe përfaqësues nga institucionet ndërkombëtare që shprehën interes të madh të jenë pjesë e këtij Forumi.

Në ngjarje do të shpallet edhe emri i ri i nismës rajonale që deri tani në mënyrë jo-formale i referohej si “Shengeni i Vogël”.

Programi i Forumit përfshin fjalime nga liderët e të tre vendet organizatorë të ngjarjes, të cilët më pas do të marrin pjesë në panelin ekonomik në të cilin për iniciativën e re dhe për përfitime të menjëhershme prej saj do të shkëmbejnë mendime përfaqësuesit e bashkësive afariste nga Shqipëria, Serbia dhe Maqedonia e Veriut.

Në pjesë të veçantë ceremoniale nga programi i Forumit, do të nënshkruhen dy memorandume për mirëkuptim dhe një marrëveshje ndër-shtetërore e cila në masë të madhe do të lehtësojë jetën e qytetarëve nga Ballkani Perëndimor dhe komuniteti i biznesit.

Forumi Ekonomik organizuar nga Kabineti i Kryetarit të Qeverisë së Republikës së Maqedonisë së Veriut, Zoran Zaev, në koordinim me kabinetet e Presidentit të Republikës së Serbisë, Aleksandar Vuçiq dhe Kryetarit të Qeverisë së Republikës së Shqipërisë, Edi Rama, ndërsa në bashkëpunim me odat ekonomike nga rajoni, do të përfundojë me konferencë për shtyp të liderëve në të cilat do të kumtohen përfitimet nga Forumi, si dhe planet për iniciativat e ardhshme.

Next Post

Detaje nga aksioni policor në Hasanbeg: Një polic mes 12 të arrestuarve – kërkohen edhe 3 të tjerë! (Video)

Ministria e Punëve të Brendshme ka njoftuar se ka shkatërruar grupin kriminel, pasi pa leje kanë tregtuar me armë dhe drogë. Siç thuhet në njoftim, më 28.07.2021 Reparti për shkatërrim të krimit të organizuar dhe serioz në koordinim me Repartin për operacione policore speciale, nën udhëheqje të prokurorit kompetent të […]

Subscribe US Now

%d bloggers like this: