Studentët e UT-së angazhohen për promovimin e paqes

vull

Parlamenti Studentor i Universitetit të Tetovës iu bashkua Grupit Internacional të të Rinjve për Paqe (GIRP – IPYG ) nga Koreja Jugore, duke u bërë pjesë e projektit “Peace Walk”.


Studentët nga të gjithë fakultetet e Universitetit të Tetovës marshuan së bashku në kampusin e Universitetit, duke dhënë mesazhe për paqe në botë dhe ruajtjen e saj. Ato përmes këtij marshi kishin për qëllim sensibilizimin e popullatës sonë për rëndësinë që ka paqja dhe se ajo duhet të dominojë gjithandej në botë.

Kryetari i Parlamentit Studentor, Islam Imeri i falënderoi të gjithë studentët për gatishmërinë e tyre që tregojnë për të kontribuar në aktivitete të ndryshme të cilat janë në interes jo vetëm për ata, por edhe për shoqërinë në përgjithësi.

Ai, gjithashtu tha se në marshin e paqes kanë marrë pjesë një numër i konsiderueshëm i studentëve duke dëshmuar edhe njëherë përkushtimin e tyre për të ndihmuar paqen duke kontribuar gjithsecili në mënyra të ndryshme dhe se vetëm përmes paqes do të mund të eliminohet çdo lloj dhune apo konflikti.

Marshi për paqe i studentëve u përmbyll para Qendrës për Paqe dhe Menaxhim Transkulturor të Universitetit të Tetovës.

 

Next Post

MBI DEMOKRACINË DHE DIKTATURËN (Demokracia e rrejshme e çdo tranzicioni paraqet rrezik për shfaqjen e diktaturës)

Abdulla Mehmeti Ajo që duhet të thuhet në fillim të këtij shkrimi është fakti se, nuk mund të ketë demokraci me organizim politik nga lartë-poshtë, kur klanet politike thellësisht të korruptuara dhe kupolat e krimit ia diktojnë sovranit cilësinë e pushtetit. Diktatura në një shtet fillon kur elitat politike të […]

Subscribe US Now

%d bloggers like this: